សារព័ត៌មាន នគរវត្ត តែងតែនាំមុខគេជានិច្ច
ខេត្តរតនគីរី ៖ ជនសង្ស័យម្នាក់ត្រូវកម្លាំងប៉ុស្តិ៍នគរបាលរដ្ឋបាលឃុំតឺន ស្រុកកូនមុំ ឃាត់ខ្លួនបញ្ជូនទៅសាលាដំបូងខេត្ត។
ការឃាត់ខ្លួននេះ បានធ្វើឡើងនៅថ្ងៃព្រហស្បតិ៍ ១១រោច ខែមិគសិរ ឆ្នាំរកា នព្វស័ក ព ស ២៥៦១ ត្រូវនឹងថ្ងៃទី១៤ ខែធ្នូ ឆ្នាំ២០១៧ ខណៈដែលជនសង្ស័យកំពុងជិះម៉ូតូតាមផ្លូវលេខ៧៨ ។
តាមប្រភពពីសមត្ថកិច្ចបានឲ្យដឹងថា ជនសង្ស័យបាន លួចម៉ូតូ ១គ្រឿងកាលពីថ្ងៃទី៦ ខែធ្នូ ឆ្នាំ២០១៧។
នៅចំណុចខាងត្បូងផ្សារបានលុងស្ថិតភូមិជ័យជំនះ សង្កាត់ឡាបានសៀក ក្រុងបានលុង ខេត្តរតនគីរីដែលម៉ូតូនេះគេចតទុកនៅទីនោះ។
ប្រភពបន្តថា ជនសង្ស័យឃាត់ខ្លួនបាននោះឈ្មោះ វែង មាន ហៅ វែង ភេទប្រុស អាយុ៣៣ឆ្នាំ ជនជាតិទំពួន មានទីលំនៅភូមិណង់ហៃ ឃុំសេដា ស្រុកលំផាត់ ខេត្តរតនគិរី (ជាមុខសញ្ញាចាស់ធ្លាប់ជាប់ពន្ធនាគារ) មុខរបរ កសិករ។
ក្រោយការឃាត់ខ្លួន សមត្ថកិច្ចនគរបាលស្រុកកូនមុំ បានបញ្ជូនជនសង្ស័យមកអធិការដ្ឋានក្រុងបានលុងក្រោមការសម្របសម្រួលពី លោក ជា ពេជ្រ ព្រះរាជអាជ្ញាអមសាលាដំបូងខេត្ត។
ដកហូតបានម៉ូតូ១គ្រឿងម៉ាក់វ៉េវ ពណ៌ក្រហម លេខតួ ០៧៥១២៤ លេខម៉ាសុីន ០៧៤៩៧៩ គ្មានស្លាកលេខ។
បច្ចុប្បន្នជនសង្ស័យត្រូវបានឃាត់ខ្លួននៅអធិការដ្ឋាននគរ បាលក្រុងបានលុងកសាងសំណុំរឿងបញ្ជូនទៅសាលាដំបូងខេត្តចាត់ការតាមនីតិវិធី៕ សហការី
