សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ នៅព្រឹកថ្ងៃសុក្រ ១២រោច ខែមិគសិរ ឆ្នាំរកា នព្វស័ក ព ស ២៥៦១ ត្រូវនឹងថ្ងៃទី១៥ ខែធ្នូ ឆ្នាំ២០១៧ វេលាម៉ោង៨និង៣០នាទី រថយន្តធុនធំដឹកអេស្កាវ៉ាទ័រកាយដីមួយគ្រឿង បានជ្រុលចង្កូតបុករះចូលទីស្នាក់ការគយ និងរដ្ឋាករប្រចាំការនៅរោងចក្រប្រេងកាត នៅភូមិ៤ ឃុំអូរត្រេះ ស្រុកស្ទឹងហាវ បណ្ដាលឲ្យខូចខាតសម្ភារអស់ច្រើនបង្គួរ ក្នុងនោះមាន ៖
១-ខូចខាតម៉ូតូ១គ្រឿងម៉ាក HONDA C125 ពណ៌ ខ្មៅ គ្មានស្លាកលេខ ខូចខាត ធ្ងន់។
២-រថយន្តម៉ាក LUXES RX300 ពណ៌ ស ពាក់ស្លាកលេខភ្នំពេញ2AQ-8596 មួយគ្រឿង ខូចខាតផ្នែកខាងក្រោយ។
៣-មនុស្សម្នាក់ឈ្មោះ ភឿង សុភា ភេទ ប្រុស អាយុ ២៦ឆ្នាំ រងរបួសស្រាល ជាម្ចាស់ម៉ូតូ។
៤-បាក់រលំសំយ៉ាបខាងមុខ និង សំភារៈមួយចំនួនទៀត របស់ស្នាក់ការគយ។
តាមសាក្សីនៅក្បែរកន្លែងកើតហេតុបានឲ្យដឹងថា វេលាម៉ោងដូចខាងលើ រថយន្តធុនធំមួយគ្រឿង ដែលមានស្លាកលេខភ្នំពេញ3A-2542 បានដឹកគ្រឿងចក្រអេស្កា មួយគ្រឿងមកពីវាលរេញចូលមកខេត្តព្រះសីហនុ តាមផ្លូវសម្តេចសង្ឃទេពវង្ស ដល់ផ្លូវចុះចំណោតឆ្លងថ្នល់រទេះភ្លើង មុខរោងចក្រប្រេងកាត ហ្វ្រាំងមិនស៊ី ក៏ជ្រុលចង្កូតទៅបុករះចូលទីស្នាក់ការគយតែម្តងទៅ។
ករណីនេះ សមត្ថកិច្ចកំពុងចាត់ចែង យកចេញពីកន្លែងកើតហេតុមករក្សាទុកនៅអធិការដ្ឋាននគរបាលស្រុកស្ទឹងហាវ ដេីម្បីរង់ចាំការ ដោះស្រាយបន្ត ៕ ឆ្លាម សមុទ្រ
