សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ប្រជាពលរដ្ឋដែលទិញផ្ទះក្នុងបុរីមហាសេដ្ឋីបាននាំគ្នាតវ៉ានៅមុខក្រសួងយុត្តិធម៌ ដើម្បីឲ្យស្ថាប័នមួយនេះជួយដាស់តឿនទៅតុលាការរាជធានីភ្នំពេញពន្លឿនក្នុងការដោះស្រាយ និងជួយរកយុត្តិធម៌រឿងក្រុមហ៊ុនបុរីមហាសេដ្ឋីជាមួយប្រជាពលរដ្ឋ ដែលទិញផ្ទះក្នុងបុរីនេះបង់ប្រាក់គ្រប់ចំនួនរយៈពេលជិត៥ឆ្នាំហើយមិនចេញប្លង់រឹងឲ្យពួកគាត់។
ការផ្ទុះការតវ៉ានេះធ្វើឡើងនៅរសៀល ថ្ងៃសុក្រ ១២រោច ខែមិគសិរ ឆ្នាំរកា នព្វស័ក ព.ស.២៥៦១ ត្រូវនឹងថ្ងៃទី១៥ ខែធ្នូ ឆ្នាំ២០១៧ នៅមុខក្រសួងយុត្តិធម៌ ស្ថិតនៅសង្កាតចតុមុខខណ្ឌដូនពេញ និងមានយកញត្តិទៅដាក់ជូនលោករដ្ឋមន្ត្រីក្រសួងយុត្តិធម៌ផងដែរ ។
គួរបញ្ជាក់ថា កាលពីវេលាម៉ោង ១១ និង៣០ព្រឹក ថ្ងៃព្រហស្បតិ៍ ១១រោច ខែមិគសិរ ឆ្នាំរកា នព្វស័ក ព.ស.២៥៦១ ត្រូវនឹងថ្ងៃទី១៤ ខែធ្នូ ឆ្នាំ២០១៧ នៅក្នុងបុរីមហាសេដ្ឋីភូមិសាមគ្គីសង្កាត់ឫស្សីកែវ ខណ្ឌឫស្សីកែវ មានប្រជាពលរដ្ឋ រងគ្រោះជាង២០នាក់ តំណាងឲ្យ ប្រជាពលរដ្ឋ ចំនួន៤៩គ្រួសារ ដែលអះអាងថាបានទិញ ផ្ទះពីបុរីមហា សេដ្ឋី បានផ្ទុះការតវ៉ា ជាថ្មីជាប្រយោជន៍ទាមទារ ឲ្យ សម្តេច អគ្គមហា សេនាបតីតេជោហ៊ុន សែន នាយករដ្ឋ មន្រ្តីនៃព្រះរាជាណាចក្រកម្ពុជា និងលោក ទេសរដ្ឋមន្រ្តី និងជារដ្ឋ មន្រ្តី ក្រសួង រៀបចំដែនដី នគររូបនីយកម្ម និងសំណង់ មេត្តាជួយអន្តរាគមន៍ដើម្បីឲ្យពួកគាត់បានប័ណ្ណកម្មសិទ្ធិស្របច្បាប់ បន្ទាប់ពីពួកគាត់ទិញផ្ទះក្នុងបុរីនេះរយៈជាង៥ឆ្នាំ បងប្រាក់គ្រប់ហើយក្រុមហ៊ុនមិនបានធ្វើតាមការសន្យា ។
ការជួបប្រមូលផ្តុំតវ៉ា នេះ បានផ្ទុះឡើងជាបន្តបន្ទាប់ ជាច្រើនលើកមកហើយដោយ ពួកគាត់ បានទិញផ្ទះ ពីបុរីនោះ អស់រយះពេលប្រមាណជាង៤ទៅ៥ឆ្នាំមកហើយ និងបានបង់ប្រាក់គ្រប់ចំនួន បែរជាថៅកែបុរី ចេះតែសន្យា ខ្យល់រហូត ។ ទន្ទឹមនោះប្រជាពលរដ្ឋ ចោទប្រកាន់ថា ថៅកែបុរីមហាសេដ្ឋីឈ្មោះ ណេប សុវណ្ណារិទ្ធិបោកប្រាស់សុទ្ធតែម្តង ។
ប្រជាពលរដ្ឋនិយាយថា ពួកគាត់ចូលមកទិញបុរីនេះនៅដោយយល់ឃើញថា មានអាជ្ញាបណ្ណ័ត្រឹមត្រូវពីក្រសួងពាក់ពន្ធ័ ហើយក្រុមហ៊ុន ក៏បានធ្វើកិច្ចសន្យាថាពេលបង់ប្រាក់គ្រប់ចំនួននឹងកាត់ឈ្មោះធ្វើប្លង់រឹងជូនអតិថិជន ប៉ុន្តែរហូតមកដល់ពេលនេះរយៈពេល៥ឆ្នាំមកហើយពោលគឺតាំងពីឆ្នាំ២០១២មកម្ល៉េះ ក្រុមហ៊ុនកុហកបោកប្រាស់ប្រជាពលរដ្ឋរហូត ។
ប្រភពបន្តថា ពួកយើងខ្ញុំធ្លាប់បានតវ៉ាជាច្រើនដងរួចហើយ រហូតដល់មានការសម្របសម្រួលពីអាជ្ញាធរសង្កាត់ ខណ្ឌផងដែរ ពិសេសមានការសន្យាពីតំណាងក្រុមហ៊ុន ទាំងផ្ទាល់មាត់នឹងលាយលក្ខអក្សរ ថាក្រុមហុ៊ននឹងធ្វើប្លង់រឹងជូនពួកគាត់ក្នុងរយៈពេល៦ខែ ប៉ុន្តែមកដល់ពេលនេះ ក្រុមហ៊ុននៅមិនទាន់បានធ្វើតាមការសន្យានោះទេ រហូតពួកគាត់បានដាក់ពាក្យបណ្តឹងប្តឹងទៅតុលាការឲ្យរកយុត្តិធម៌ជូនក្នុងរឿងនេះរួចហើយ ហើយថ្ងៃនេះពួកគាត់ក៏បានទៅតុលាការសំណូមពរឲ្យតុលាការជួយពន្លឿនចាត់ការរឿងនេះឲ្យបានឆាប់ផងដែរ ដើម្បីឲ្យឆាប់បានប្លង់យកទៅដាក់នៅធនាគារយកប្រាប់មកសងគេ និងយកមករកសុីចិញ្ចឹមជីវិត ព្រោះពួកគាត់សុទ្ធតែជំពាក់បំណុលគេ ។
ពួកគាត់ក៏សូមសំណូមពរទៅក្រសួងរៀបចំដែនដីនគររូបនីយកម្ម និងសំណង់ និងស្ថាប័នពាក់ពន្ធ័ ពិសេសសម្តេចអគ្គមហាសេនាបតីតេជោហ៊ុនសែន មេត្តាជួយរកយុត្យិធម៌ជូនពួកគាត់ផង ព្រោះពួកគាត់សុទ្ធតែជនរងគ្រោះខ្វះខាតហើយចាញ់បោកក្រុមហ៊ុនបុរីមហាសេដ្ឋីនេះទៀត ។
តាមប្រជាពលរដ្ឋ ដែលតវ៉ា បានឲ្យដឹងបន្តថា ពួកគាត់ ចំនួន ៤៩គ្រួសារ បានមកទិញ ផ្ទះ បុរីមហាសេដ្ឋីនេះ តាំងពីឆ្នាំ ២០១២ និងខ្លះឆ្នាំ ២០១៤ ក្នុង តម្លៃពី១៣ម៉ឺន ដុល្លារ ទៅ១៧ម៉ឺនដុល្លារ ដោយធ្វើកិច្ចសន្យាទិញលក់ ហើយ បង់ប្រាក់ជាដំណាក់ៗ ដោយរយះពេលសាងសង់ ១២ខែ គិតចាប់ពីថ្ងៃធ្វើកិច្ចសន្យា និងត្រូវ រួចរាល់ជាស្ថាពរ នៅថ្ងៃទី ២០ខែឧសភា ឆ្នាំ ២០១៥ ។
តាមប្រជាពលរដ្ឋ បានឲ្យដឹងទៀតថា នៅពេលទិញ ថៅកែបុរីឈ្មោះណេប សុវណ្ណារិទ្ធិ បានធ្វើកិច្ចសន្យា ថា ក្រុមហ៊ុន នឹងប្រគល់ប្លង់ កម្មសិទ្ធិ ទៅឲ្យ អ្នកទិញ បន្ទាប់ពីគម្រោង សាងសង់បុរី ត្រូវបានបញ្ចប់១០០ភាគរយ មិនឲ្យ លើសរយះពេល ៤៥ថ្ងៃឡើយ តែពេលនោះរយះពេល ៤ឆ្នាំ មកហើយ ក្រុមហ៊ុន ឆេះតែសន្យាចោល ។
នៅក្នុងលិខិតនោះ ក៍បានបញ្ចាក់ថា បើដល់ថ្ងៃកំណត់ ខាងលើខ្ញុំបាទជាម្ចាស់បុរី មហាសេដ្ឋី មិនបានប្រគល់ ជួនប័ណ្ណ កម្មសិទ្ធិដល់បងប្អូនអតិថិជន តាមកំណត់នោះទេ ខ្ញុំបាទនឹងទទួលខុសត្រូវចំពោះមុខច្បាប់ ។បន្ទាប់ពីធ្វើកិច្ចសន្យា ដលកំណត់ហើយ ម្ចាស់បុរីមិនបានគោរពតាមកិច្ចសន្យាឡើយ ៕ អរុណរះ
