នគរបាលប៉ុស្តិ៍ពន្សាំង ឃាត់ខ្លួនជនសង្ស័យ៣នាក់ ពាក់ព័ន្ធករណីគ្រឿងញៀន

ភ្នំពេញ៖ ជនសង្ស័យ៣នាក់ ត្រូវកម្លាំងនគរបាលប៉ុស្តិ៍ពន្សាំង ឃាត់ខ្លួន ពាក់ព័ន្ធករណីប្រើប្រាស់ដោយខុសច្បាប់នូវសារធាតុញៀន កាលពីវេលាម៉ោង១រសៀល ថ្ងៃអាទិត្យ ១៤រោច ខែមិគសិត ឆ្នាំ រកា នព្វស័ក ព.ស ២៥៦១ ត្រូវនឹងថ្ងៃទី ១៨ ខែ​ ធ្នូ ឆ្នាំ ២០១៧ ត្រង់ចំណុចផ្ទះគ្មានលេខ ផ្លូវលំ​ ភូមិថ្នល់ខ្ពស់ សង្កាត់ពន្សាំង ខណ្ឌព្រែកព្នៅ រាជធានីភ្នំពេញ ។

ជនសង្ស័យទាំង៣នាក់នេះទី១-ឈ្មោះ ភឿន ភ័ណ្ឌភេទប្រុស អាយុ32ឆ្នាំជនជាតិខ្មែរ មុខរបរបើកបររថយន្ត មានទីលំនៅភូមិត្រពាំងល្វា ឃុំត្រពាំងល្វា ស្រុកឧត្តង្គ ខេត្តកំពុងស្ពឺ ទី២-ឈ្មោះ​ ភឿន ភាព ភេទប្រុសអាយុ36ឆ្នាំ ជនជាតិខ្មែរ មុខរបរម៉ៅការសំណង់ មានទីលំនៅ ភូមិថ្នល់ខ្ពស់ សង្កាត់ពន្សាំង ខណ្ឌព្រែកព្នៅ រាជធានីភ្នំពេញ និងទី៣-ឈ្មោះ​ ម៉ុល បូរ ភេទប្រុសអាយុ30ឆ្នាំ ជនជាតិខ្មែរ មុខរបរកម្មករសំណង់ មានទីលំនៅ ភូមិថ្នល់ខ្ពស់ សង្កាត់ពន្សាំង ខណ្ឌព្រែកព្នៅ រាជធានីភ្នំពេញ ។ សម្ភារៈដកហូត៖-ឧបករណ៍ប្រើប្រាស់គ្រឿងញៀនមួយចំនួន។

យោងតាមប្រភពព័ត៍មានពីសមត្ថកិច្ច បានឲ្យដឹងថា នៅមុនពេលកើតហេតុ មានប្រជាពលរដ្ឋល្អ បានមករាយការណ៍ជូនកម្លាំងល្បាតរបស់ប៉ុស្តិ៍នគរបាលរដ្ឋបាលពន្សាំងថា មានករណីប្រើប្រាស់ដោយខុសច្បាប់នូវសារធាតុញៀនត្រង់ចំណុចផ្ទះកើតហេតុខាងលើ ភ្លាមនោះកម្លាំងល្បាត់របស់យើយក៏ចុះទៅដល់ ប្រទះឃើញជនសង្ស័យទាំង03កំពុងធ្វើសកម្មភាពប្រើប្រាស់គ្រឿងញៀន កម្លាំងយើងក៏ឃាត់ខ្លួនជនសង្ស័យទាំង03នាក់រួមនឹងឧបករណ៍ប្រើប្រាស់យកមកប៉ុស្តិ៍ដើម្បីសាកសួរ និងបញ្ជូនមកអធិការដ្ឋាននគរបាលខណ្ឌព្រែកព្នៅ​ ដើម្បីកសាងសំណុំរឿងបញ្ជូនទៅតុលាការ ៕ ព្រែកជ័យ