សារព័ត៌មាន នគរវត្ត តែងតែនាំមុខគេជានិច្ច
ខេត្តសៀមរាប៖ កម្លាំងការិយាល័យប្រឆាំងគ្រឿងញៀនខេត្ត សហការជាមួយ កម្លាំងប៉ុស្តិ៍នគរបាលរដ្ឋបាលសង្កាត់ស្លក្រាម, សង្កាត់គោកចក និង កំលាំងប្រជាការពារភូមិ បានចុះបង្ក្រាបករណីជួញដូរ និង ចាត់ចែងឱ្យប្រើប្រាស់ នូវសារធាតុញៀនខុសច្បាប់នៅក្នុងក្រុងសៀមរាប ឈានដល់ធ្វើការឃាត់ខ្លួនបានជនសង្ស័យ ប្រុស ស្រី ចំនួន១២នាក់ កាលពីថ្ងៃទី២១ ខែធ្នូ ឆ្នាំ២០១៧ ស្ថិតនៅក្នុងលំនៅឋានក្រុមទី៤ និង តាមដងផ្លូវ ក្នុង ភូមិទ្រាំង សង្កាត់ស្លក្រាម និង ភូមិវាល សង្កាត់គោកចក ក្រុង/ខេត្តសៀមរាប និងបញ្ជូនទៅតុលាការនៅថ្ងៃទី២៥ ខែ ធ្នូ ឆ្នាំ២០១៧ ។
តាមប្រភពពីសមត្ថកិច្ចនគរបាលប្រឆាំងគ្រឿងញៀនខេត្តបានប្រាប់ថា ជនសង្ស័យ ប្រុស ស្រី ចំនួន១២នាក់មាន ៖ទី១/ឈ្មោះ ស៊ុន សុទ្ធា ហៅ ទ្រី ភេទប្រុសអាយុ២៩ឆ្នាំមុខរបរបើករ៉ឺម៉ក ដឹកភ្ញៀវ ទីលំនៅភូមិទ្រាំង សង្កាត់ស្លក្រាម ក្រុងសៀមរាប(ជួញដូរ)(មានសារធាតុញៀនក្នុងខ្លួន) ទី២/ឈ្មោះ ចាន់ ចិត្ត ភេទប្រុសអាយុ២៥ឆ្នាំ មុខរបរគ្មាន ទីលំនៅភូមិអញ្ចាញ សង្កាត់នគរធំ ក្រុងសៀមរាប (ចាត់ចែង) (មានសារធាតុញៀនក្នុងខ្លួន) ទី៣/ ឈ្មោះ សាត សុធារ៉ូ ភេទប្រុសអាយុ២០ឆ្នាំមុខរបរបុគ្គលិកផ្ទះសំណាក់ ទីលំនៅភូមិវត្តបូព៌ សង្កាត់សាលាកំរើក ក្រុងសៀមរាប(ចាត់ចែង) (មានសារធាតុញៀនក្នុងខ្លួន) ទី៤/ ឈ្មោះ លី រ៉ាវុន ភេទប្រុសអាយុ២៥ឆ្នាំមុខរបរគ្មាន ទីលំនៅភូមិក្រសាំង សង្កាត់ជ្រាវ ក្រុងសៀមរាប (ចាត់ចែង)(មានសារធាតុ ញៀនក្នុងខ្លួន) ទី៥/ ឈ្មោះ ទន់ ចន្ថា ភេទប្រុសអាយុ២៧ឆ្នាំមុខរបរគ្មានទីលំនៅភូមិគោកតាចាន់ សង្កាត់គោកចក ក្រុង សៀមរាប (ចាត់ចែង)(មានសារធាតុញៀនក្នុងខ្លួន) ទី៦/ឈ្មោះ ណុប តុលា ភេទប្រុសអាយុ២០ឆ្នាំមុខរបរគ្មានទីលំនៅភូមិវាល សង្កាត់គោកចក ក្រុង សៀមរាប(ចាត់ចែង)(មានសារធាតុញៀនក្នុងខ្លួន)ទី៧/ឈ្មោះ ប៉ា ម៉ាលីន ភេទ ស្រី អាយុ២៧ឆ្នាំមុខរបរគ្មានទីលំនៅភូមិព្រះស្រែក្រោយ ឃុំកញ្ច្រៀច ស្រុកកញ្ច្រៀច ខេត្តព្រៃវែង (ចាត់ចែង)(មានសារធាតុញៀនក្នុងខ្លួន) ទី៨/ ឈ្មោះ មុត សំ ភេទប្រុស អាយុ២៤ឆ្នាំ មុខរបរគ្មាន ទីលំនៅភូមិទ្រាំង សង្កាត់ស្លក្រាម ក្រុងសៀមរាប (ចាត់ចែង)(មានសារធាតុញៀនក្នុងខ្លួន) ទី៩/ឈ្មោះ រ៉យ ទូច ភេទប្រុសអាយុ៣២ឆ្នាំ មុខរបរគ្មានទីលំនៅភូមិត្រពាំងសេះ សង្កាត់គោកចក ក្រុងសៀមរាប (ចាត់ចែង)(មានសារធាតុញៀនក្នុងខ្លួន) ទី១០/ឈ្មោះ ញឹប តារា ភេទប្រុស អាយុ២០ឆ្នាំមុខរបរជាងថតរូប ទីលំនៅភូមិគោកតាចាន់ សង្កាត់គោកចក ក្រុងសៀមរាប (ចាត់ចែង)(មានសារធាតុញៀនក្នុងខ្លួន) ទី១១/ឈ្មោះ លាង ព្រេក ភេទប្រុស អាយុ២៣ឆ្នាំនមុខរបរគ្មាន រស់នៅភូមិវាល សង្កាត់គោកចក ក្រុងសៀមរាប(ប្រើប្រាស់)មានសារធាតុក្នុងខ្លួន និង ទី១២/ឈ្មោះ ជា ផាន់ ហៅម៉ៅ ភេទប្រុសអាយុ២០ឆ្នាំមុខរបរគ្មាន រស់នៅភូមិត្រពាំងសេះ សង្កាត់គោកចក ក្រុងសៀមរាប(មានសារធាតុញៀន)។
ក្រោយពេលកើតហេតុកម្លាំងជំនាញបាន ដកហូតវត្ថុតាងរួមមាន៖ម៉្សៅ មេតំហ្វេតាមីន ប្រភេទម៉ាទឹកកក ចំនួន៧កញ្ចប់ ស្មើនឹងទម្ងន់៩,៣ ក្រាមមាន ឧបករណ៍ប្រើប្រាស់និងសំភារៈវេចខ្ចប់ថ្នាំញៀនមួយចំនួនធំ និង ទូរស័ព្ទដៃចំនួន១០គ្រឿង។
ជនសង្ស័យ ប្រុស ស្រី ទាំង១២នាក់ និង វត្ថុតាង ត្រូវបាន ជំនាញរៀបចំ កសាងសុំណុំរឿងបញ្ជូនទៅសាលាដំបូង ដើម្បីចាត់ការទៅនីតិវិធីបន្តតាមផ្លូវច្បាប់នៅថ្ងៃទី២៥ ខែធ្នូ ឆ្នាំ២០១៧ ៕ ប៊ុនរិទ្ធី
