សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ នារីបម្រើការខារ៉ាអូខេម្នាក់ ត្រូវបានសង្ស័យដែលជាភ្ញៀវចាប់រំលោភរហូតបានសម្រេច ហើយរត់ចេញមកឡើងជិះរ៉ឺម៉ក់កង់បីគេចខ្លួនបាត់ ទើបបង្កការភ្ញាក់ផ្អើលជាខ្លាំង កាលពីវេលាម៉ោង០០និង ៣០នាទីរំលងអធ្រាត្រ ឈានចូលថ្ងៃអាទិត្យ ៦រោច ខែបុស្ស ឆ្នាំ រកា នព្វស័ក ព.ស. ២៥៦១ ត្រូវនឹងថ្ងៃទី៧ ខែមករា ឆ្នាំ ២០១៨ ស្ថិតនៅផ្ទះសំណាក់អរុណមុនី្នរស្មី និង KARAOKE The Dream ជាប់ផ្លូវបេតុងក្រោយវិទ្យាល័យហ៊ុនសែនចាក់អង្រែ ក្នុងភូមិទួលរកា សង្កាត់ចាក់អង្រែ ក្រោម ខណ្ឌមានជ័យ រាជធានីភ្នំពេញ ។
យោងតាមប្រភពពីកន្លែងកើតហេតុខាងលើ បាន ឲ្យដឹងថា ជនសង្ស័យឈ្មោះ ពន្លក អាយុ២៨ឆ្នាំ ស្នាក់នៅ ម្ដុំចំការមន (អតីតអ្នកគ្រប់គ្រងបុគ្គលិកផ្ទះសំណាក់ និង KARAOKE ខាងលើ) តែដោយសារកន្លងមកជនសង្ស័យក៏ធ្លាប់ធ្វើសកម្មភាពប៉ុនប៉ងរំលោភនារីបម្រើការខារ៉ាអូខេនៅក្នុងបន្ទប់ខារ៉ាអូខេខាងលើដែរ តែមិនបានសម្រេច ហើយត្រូវម្ចាស់ផ្ទះសំណាក់ និង KARAOKE The Rain បញ្ឈប់ពីការងារជិតកន្លះឆ្នាំហើយ។ ដោយនៅថ្ងៃកើតហេតុជនសង្ស័យ បានមកជាភ្ញៀវជាមួយមិត្តភក្តិជាច្រើននាក់ ចូលផឹកស៊ីច្រៀងលេងតាំងពីម៉ោងជិត១០ព្រឹកឯណោះ ដោយផឹកអស់៧កេះ និងបានគិតលុយរួច ៣ដងហើយ ទើបបន្តការផឹកស៊ី និងច្រៀងរហូតដល់ម៉ោងកើតហេតុតែម្ដង។
យោងតាមសំដីនារីរងគ្រោះឈ្មោះ គ.ល.ដ អាយុ២២ឆ្នាំ មុខរបរ បម្រើការខារ៉ាអូខេ បានប្រាប់ឲ្យដឹងថា មុនពេលកើតហេតុ រូបនាងបានទៅចូលបម្រើភ្ញៀវដែលចូលផឹកស៊ីនិងច្រៀងខារ៉ាអូខេ នៅបន្ទប់លេខ 888 ដូចធម្មតា ដោយមាននារីដទៃទៀត មកអង្គុយបម្រើភ្ញៀវដូចគ្នាដែរ ផឹកអស់មួយកេះ រួចភ្ញៀវខ្លះក៏ស្រវឹងសុំចេញទៅផ្ទះអស់ រីឯមិត្តភក្តិជនសង្ស័យ ២នាក់ទៀតក៏ស្រវឹងបានចេញទៅដេកនៅផ្ទះសំណាក់ខាងលើមុនអស់ នៅសល់តែជនសង្ស័យ និងរូបនាងក៏ស្រវឹង ជនសង្ស័យដើរទៅបន្ទប់ទឹករួចចេញមកវិញក៏ចាក់សោទ្វារបន្ទប់ខារ៉ាអូខេ ហើយស្ទុះមក ចាប់ឱបថើប នាងក៏ស្រែកហើយបោកកែវ បោកចាន អោយគេលឺដែរ តែក្នុងបន្ទប់លឺតែភ្លេងទើបមិនមានអ្នកណាដឹង បន្ទាប់មក ជនសង្ស័យក៏ស្ទុះមកវាយនាង៣ដៃ ចំចុងដង្ហើម រូបនាងត្រូវជនសង្ស័យសង្កត់ជាប់។
បន្ទាប់មក ជនសង្ស័យក៏បានបើកទ្វារបន្ទប់ដើរចុះមក យ៉ាងលឿនធ្វើដូចធម្មតា រីឯនារីរងគ្រោះបានដើរ ចេញមកជួបនារីជាប្អូនធម៌ធ្វើការជាមួយគ្នា ហើយក៏ បានស្រែកប្រាប់អោយសន្តិសុខជួយចាប់ដែរ តែគ្រាន់ឃើញភ្លាម ជនសង្ស័យក៏បានរត់ឡើង រ៉ឺម៉កកង់បីជិះចេញទៅបាត់ហើយ ទើបបង្កឲ្យមានការ ភ្ញាក់ផ្អើលឡើងតែម្ដង។ ចំណែកសន្តិសុខ ក៏បានឡើងទៅហៅមិត្តភក្តិជនសង្ស័យ២នាក់ ដែលស្រវឹងទៅដេកមុននៅបន្ទប់ដែលបានកក់បន្ទប់ចំនួន៣បន្ទប់នោះចុះមកនិយាយគ្នា។
ក្រោយកើតហេតុ សមត្ថកិច្ចបានចុះមកកន្លែងកើតហេតុ សាកសួរនារីរងគ្រោះ រួចនាំខ្លួនបុរស២នាក់ ជាមិត្តភក្តិជនសង្ស័យ ទៅធ្វើការសាកសួរនៅប៉ុស្តិ៍។ ចំណែកនារីរងគ្រោះក៏ បានទៅដាក់ពាក្យបណ្ដឹងនៅប៉ុស្តិ៍នគរបាលសង្កាត់ចាក់អង្រែក្រោមឲរួចហើយ។
បច្ចុប្បន្ន សមត្ថកិច្ច កំពុងស្វែងរកចាប់ខ្លួនជនសង្ស័យយកមកផ្ដន្ទាទោស តាមច្បាប់ឲ្យទាល់តែបាន៕ ភារ៉ា ដង្កោ
