សារព័ត៌មាន នគរវត្ត តែងតែនាំមុខគេជានិច្ច
ខេត្តក្រចេះ៖ ជន២នាក់ជាមុខសញ្ញាជួញដូរ និងប្រើប្រាស់គ្រឿងញៀន ហើយក៏ជាមុខសញ្ញាធ្លាប់ជាប់ពន្ឋនាគារពាក់ព័ន្ឋនឹងគ្រឿងញៀនកន្លងមក តែមិនរាងចាល ត្រូវបាននគរបាលក្រុងក្រចេះចាប់ខ្លួនសារជាថ្មីទៀតជាមួយនឹងគ្រឿងញៀនមួយចំនួនកាលពីថ្ងៃអាទិត្យ ៦រោច ខែបុស្ស ឆ្នាំរកា នព្វស័ក ព.ស.២៥៦១ ត្រូវនឹងថ្ងៃទី៧ ខែមករា ឆ្នាំ២០១៨ នៅចំណុច ភូមិស្រែស្តៅ សង្កាត់អូរឫស្សី ក្រុងក្រចេះ។
ជនសង្ស័យជាមុខសញ្ញាទាំងពីរនាក់ដែលត្រូវបានឃាត់ខ្លួននេះមាន ១-ឈ្មោះ ណៃ វីរ៉ា ហៅណុយ អាយុ៣២ឆ្នាំ មុខរបរមិនពិតប្រាកដ ទីលំនៅភូមិអូរឫស្សី១ សង្កាត់ អូរឫស្សី ក្រុងក្រចេះ (មុខសញ្ញាចាស់ និង មានដីកានាំខ្លួន)ទី២-ឈ្មោះ សារី សុខជា អាយុ៤៦ឆ្នាំ មានទីលំនៅភូមិ ឃុំជាមួយគ្នា។
ក្រោយការចាប់ខ្លួនជនសង្ស័យបាននាំខ្លួនមកសាកសួរនៅអធិការដ្ឋាននគរបាលក្រុងក្រចេះដើម្បីបន្តនីតិវិធី៕
