សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ធំ៖ បុរសសតិមិនគ្រប់ម្នាក់ ត្រូវរថយន្ដមិនស្គាល់ម៉ាក់បុក ឲ្យស្លាប់នៅនឹងកន្លែងកើតហេតុកាលពីវេលាម៉ោង ៣និង៣០រៀបភ្លឺ ថ្ងៃច័ន្ទ ១៤រោច ខែបុស្ស ឆ្នាំរកា នព្វស័ក ព.ស. ២៥៦១ ត្រូវនឹងថ្ងៃទី១៥ ខែមករា ឆ្នាំ២០១៨ ត្រង់ចំណុចផ្លូវជាតិលេខ៦ ត្រង់គីឡូងម៉ែត្រលេខ ១២៦ និង ១២៧ ក្នុងភូមិត្រពាំងស្វាយ ឃុំបល្ល័ង្ក ស្រុកបារាយណ៍ ខេត្តកំពង់ធំ ។
សមត្ថកិច្ចបានឲ្យដឹងថា គ្រោះថ្នាក់ចរាចរណ៍នេះជនរងគ្រោះដើរវង្វេងគ្មានស្មារតី គ្រប់គ្រាន់មានឈ្មោះ សេង ឆាន ភេទប្រុសអាយុ៤៥ឆ្នាំនៅភូមិឃ្លៃ ឃុំកំពង់ថ្ម ស្រុក សន្ទុក ខេត្តកំពង់ធំ ដោយ សាស្រវឹងស្រា ប្រចាំថ្ងៃ ទើបមកដេកពេទ្យបង្អែកត្រពាំងស្វាយ បារាយណ៍ សន្ទុក ដើម្បីព្យាបាល តែចៃដន្យអ្វី នៅម៉ោងទៀបភ្លឺ ក៏ស្រាប់តែដើរឆ្លងថ្នល់ទៅវិញ ទើបណ្ដាលឲ្យមានគ្រោះថ្នាក់ចរាចរណ៍កើតឡើង។
ចំណែករថយន្តមិនស្គាល់អត្តសញ្ញាណនោះទេ ប៉ុន្តែបើមើលសាកសព មានរថយន្តផ្សេងបើកកិនថែម ជាបន្ដបន្ទាប់ ក្រោយពីពិនិត្យ និងធ្វើកំណត់ហេតុរួច សមត្ថកិច្ចបានប្រគល់សាកសពជនរងគ្រោះឲ្យទៅសាច់ញាតិ ក្រុមគ្រួសារ យកទៅធ្វើបុណ្យ តាមប្រពៃណី និងបើកការស៊ីបអង្កេតរករថយន្ដ បង្កដើម្បីដោះស្រាយគ្នាតាមច្បាប់៕ ប៊ុន រិទ្ធី
