ជនសង្ស័យធាក់ម៉ូតូសិស្សយកបានចង កសម្លាប់ខ្លួននៅក្នុងមន្ទីរឃុំឃាំងរបស់អធិការក្រុង

ប៉ោយប៉ែត៖ ជនសង្ស័យម្នាក់ដែលធាក់ម៉ូតូសិស្សយក បានចងកសម្លាប់ខ្លួននៅមន្ទីរឃុំឃាំងអធិការក្រុងប៉ោយប៉ែតកាលពីយប់ថ្ងៃទី២៣ ខែមករា ឆ្នាំ២០១៨នេះ ។​

សមត្ថកិច្ចបង្ហេីបថា សពជនសង្ស័យឈ្មោះគឹមស្រេង ភេទប្រុស អាយុ៤០ឆ្នាំ រស់នៅក្នុងភូមិក្បាលស្ពាន២ សង្កាត់ប៉ោយប៉ែត ក្រុងប៉ោយប៉ែតខេត្តបន្ទាយមានជ័យ។​

ជនសង្ស័យក្នុងហេតុការណ៍ចងកប្រភពប្រាប់ថាចងកនឹងខ្សែភ្លើង ក្រោយពីការស្លាប់ជនសង្ស័យរូបនេះ ត្រូវបានកម្លាំងអធិការក្រុងប៉ោយប៉ែតដឹកទាំងយប់យកមកទុកនៅឈាបនដ្ឋានក្នុងវត្តនារាម ហៅវត្តផ្សារកណ្ដាលដេីម្បីរង់ចាំសាច់ញាតិ៕ វណ្ណា