សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ មន្ត្រីនគរបាលខេត្តព្រះសីហនុ បានឲ្យដឹងថា៖ នៅវេលាម៉ោង១៩និង១៥នាទី ថ្ងៃសៅរ៍ ៣រោច ខែមាឃ ឆ្នាំរកា នព្វស័ក ព.ស. ២៥៦១ ត្រូវនឹងថ្ងៃទី៣ ខែកុម្ភៈ ឆ្នាំ២០១៨ លើផ្លូវជាតិលេខ៣ ចន្លោះគីឡូម៉ែត្រ ១៨១-១៨២ ស្ថិតក្នុងភូមិព្រែកប្រស់ ឃុំទឹកថ្លា ស្រុកព្រៃនប់ ខេត្តព្រះសីហនុ មានគ្រោះថ្នាក់ចរាចរណ៍មួយកើតឡើង រវាង រថយន្ត ១គ្រឿងម៉ាក MG ពណ៌ ខ្មៅ ពាក់ផ្លាកលេខភ្នំពេញ2AC-5637 (អ្នកបើកបរមិនស្គាល់អត្តសញ្ញាណ)គេចខ្លួន មានទិសដៅពីខេត្តកំពត ឆ្ពោះមក ខេត្តព្រះសីហនុ លុះដល់ចំណុចខាងលើ បានបុកនឹងអ្នកថ្មើរជើងម្នាក់ឈ្មោះ កង វន ភេទ ប្រុស អាយុ ៦៣ឆ្នាំ មានទីលំនៅភូមិឃុំកើតហេតុ ដែលគាត់បានដើរឆ្លងថ្នល់ពី លិចទៅ កើត បណ្ដាលឲ្យរងរបួសធ្ងន់ ក្រុមគ្រួសារបានបញ្ជូនទៅព្យាបាល នៅមន្ទីរពេទ្យបង្អែកខេត្តកំពត។
រថយន្ត១គ្រឿងបានយកមករក្សាទុកនៅអធិការដ្ឋាននគរបាលស្រុកព្រៃនប់ ៕ ឆ្លាម សមុទ្រ
