សារព័ត៌មាន នគរវត្ត តែងតែនាំមុខគេជានិច្ច
ភ្នំពេញៈ រថយន្ត TOYOTA FORTUNER បោះពួយយ៉ាងលឿនទៅបុករបាំងថ្មពុះចែកទ្រូងផ្លូវខ្ទាត់ចេញពីជួរអស់ពីរកង់ចំណែករថយន្តរងការខូចខាតយ៉ាងដំណំ សង្ស័យអ្នកបើកបរស្រវឹងស្រាបង្កការភ្ញាក់ផ្អើលវេលាម៉ោង៩និង១០នាទីយប់ ថ្ងៃព្រហស្បតិ៍ ៨រោច ខែមាឃ ឆ្នាំរកា នព្វស័ក ព.ស. ២៥៦១ ត្រូវនឹងថ្ងៃទី៨ ខែកុម្ភៈ ឆ្នាំ២០១៨ តាមបណ្តោយផ្លូវ ឧកញ៉ាម៉ុងឫទ្ធី ស្ថិតក្នុងសង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ។
សាក្សីថា ឡានម៉ាកTOYOTA FORTUNER ពណ៌ខ្មៅ ពាក់ស្លាកលេខ ភ្នំពេញ 2I-7610 បើកបរដោយបុរសម្នាក់ សង្ស័យស្រវឹងស្រា ទិសដៅពីកើតទៅលិច លឿងលឿនរេចង្កូតបុករបាំងថ្មពុះចែកទ្រូងផ្លូវ២កង់ ហើយឡានដាច់ក្រឡេកង់មុខផ្នែកខាងឆ្វេង និងរងការខូចខាតរថយន្តផ្នែកខាងមុខ អ្នកបើកបរមិនរងរបួស បើកទ្វារចុះហៅមិត្តភក្តិមកនាំគេចខ្លួនបាត់។
នគរបាលរាជធានីមកស្ទួចរថយន្តបង្កទុកនៅការិល័យនគរបាលចរាចរណ៍រាជធានីភ្នំពេញរង់ចាំម្ចាស់ចូលខ្លួន ៕ តុង សីហា
