សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ យុវជនពីរនាក់ជិះម៉ូតូឆ្លងផ្លូវលឿនពេក ខ្វះការប្រុងប្រយត្ន័ ជ្រុលទៅបុកម៉ូតូមួយគ្រឿងជិះដោយបុរសម្នាក់ បណ្តាលឲ្យរងរបួសធ្ងនស្រាលបីនាក់ទាំងសងខាង ។
ហេតុការណ៍នេះកើតឡើងកាលពីវលាម៉ោង១១និង៣០នាទីយប់ ថ្ងៃអាទិត្យ ១១រោច ខែមាឃ ឆ្នាំរកា នព្វស័ក ព.ស. ២៥៦១ ត្រូវនឹងថ្ងៃទី១១ ខែកុម្ភៈ ឆ្នាំ២០១៨ ស្ថិតនៅចំណុចផ្លូវលេខ១៨២កែងនឹងផ្លូវ២៧១ ក្នុងសង្កាត់ទឹកល្អក់២ ខណ្ឌទួលគោគ រាជធានីភ្នំពេញ ។
តាមប្រភពព័ត៌មានពីកន្លែងកើតហេតុបានប្រាប់ឲ្យដឹងថា មុនកើតហេតុគេឃើញយុវជនពីរនាក់ ជិះម៉ូតូមួយគ្រឿងម៉ាកឌ្រីម សង់ស៊េរី២០១៤ ពណ៌ខ្មៅ ពាក់ស្លាកលេខ ភ្នំពេញ 1CJ-3621 ជិះតាមបណ្តោយផ្លូវ២៧១ ទិសដៅពីជើងទៅត្បូង លុះជិះមកដល់ចំណុចកើតហេតុខាងលើ បានបត់ឆ្វេងដៃមកផ្លូវ១៨២ ក៏ជ្រុលទៅបុកម៉ូតូមួយគ្រឿងម៉ាកអាយរុក ពណ៌សពាក់ស្លាកលេខ ភ្នំពេញ 1GQ-6788 ជិះដោយបុរសម្នាក់តាមផ្លូវលខ១៨២ ទិសដៅពីកើតទៅលិច ពេញទំហឹងបណ្តាលឲ្យខាងម៉ូតូអាយរុករ ងរបួសជើងម្ខាងធ្ងន់ ត្រូវបានរថយន្តសង្គ្រោះដឹកយកទៅសង្គ្រោះ ភ្លាមៗ ចំណែកខាងម៉ូតូឌ្រីមសង់រងរបួសជើងម្ខាងដូចគ្នា ត្រូវបានមិត្តភក្តិនាំយកទៅសង្គ្រោះដោយខ្លួនឯង និងម្នាក់រងរបួសស្រាល ចំណែកម៉ូតូទាំងពីរគ្រឿងរងកាខូចខាតបន្តិតបន្តួច ។
ក្រោយកើតហេតុ សមត្ថកិច្ចមូលដ្ឋានបានចុះដល់បានទំនាក់ទំនងទៅសមត្ថកិច្ចជំនាញចុះមកវាស់វែងយកម៉ូតូទាំងពីគ្រឿងទៅរក្សាទុកនៅប៉ុស្តិ៍នគរបាលរដ្ឋបាលសង្កាត់ទឹកល្អក់២រង់ចាំដោះស្រាយគ្នាទៅតាមផ្លូវច្បាប់ ៕ សុខាសែនជ័យ
