សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង៖ បុរសម្នាក់បានរងរបួសភ្លៅខាងស្ដាំធ្ងន់ធ្ងរ ខណៈដែលជួបករណីគ្រោះថ្នាក់ចរាចរណ៏គួរឲ្យរន្ធត់ដោយជិះម៉ូតូមិនប្រកាន់ស្ដាំទៅបុកនិងរថយន្តCAMRY(បាឡែន)មួយគ្រឿងទិសដៅបញ្រាស់គ្នាពេញទំហឺងលាន់សូរដូចរន្ទះបង្កឲ្យមានការភ្ញាក់ផ្អើលដល់អ្នកភូមិទាំងយប់នៅថ្ងៃសៅរ៍ ១០រោច ខែមាឃ ឆ្នាំរកា នព្វស័ក ព.ស. ២៥៦១ ត្រូវនឹងថ្ងៃទី១០ ខែកុម្ភៈ ឆ្នាំ២០១៨ វេលាម៉ោង ៧និង៤០ នាទីយប់ នៅលើផ្លូវជាតិលេខ១ ត្រង់ចំណុចគីឡូម៉ែត្រលេខ ១៥៥ លេខ១៥៦ ស្ថិត ក្នុង ព្រៃផ្តៅ សង្កាត់ច្រកម្ទេស ក្រុងបាវិត ខេត្តស្វាយរៀង។
យោងតាមសមត្ថកិច្ចនគរបាលក្រុងបាវិតបានប្រាប់កាសែតនគរវត្តឲ្យដឹងថា បុរសដែលរងរបួសភ្លៅខាងស្ដាំធ្ងន់ធ្ងរ មានឈ្មោះ ចេន សុីនុន អាយុ ១៨ ឆ្នាំ មានទីលំនៅភូមិធ្លក សង្កាត់ច្រកម្ទេស ក្រុងបាវិត ខណៈជិះម៉ូតូម៉ាកហុងដា C125 ពណ៌ខ្មៅ ពាក់ស្លាកលេខ ស្វាយរៀង 1H-5354 ខូចខាតយ់ាងដំណំ ។
ប្រភពបន្តថា ចំពោះអ្នកបើករថយន្តត្រូវបានសមត្ថកិច្ចឃាត់ខ្លួនមានឈ្មោះ សេក សំអឿន អាយុ ៣៤ ឆ្នាំ មុខរបរបើកបររថយន្តមានទីលំនៅភូមិ បាវិតកណ្តាលសង្កាត់បាវិតក្រុងបាវិត ។
តាមសាក្សីបានឲ្យដឹងថាមុនកើតហេតុមានម៉ូតូមួយគ្រឿង ម៉ាក ហុងដា C125 ពណ៌ខ្មៅ ពាក់ស្លាកលេខ ស្វាយរៀង1H-5354 ជិះដោយយុវជនម្នាក់ធ្វើដំណើរលើផ្លូវជាតិលេខ១ ពីកើតទៅលិចមិនប្រកាន់ស្ដាំលុះមកដល់ចំណុចខាងលើ ស្រាប់តែមានមានរថយន្តមួយគ្រឿង CAMRY(បាឡែន) ពណ៌ ពណ៌ទឹកប្រាក់ពាក់ស្លាកលេខភ្នំពេញ 2AE-6139 បើកបរបញ្ច្រាសគ្នាបុកពេញទំហឹងបង្កឲ្យដួលរដូករណែលកណ្ដាលផ្លូវធ្វើឲ្យអ្នកភូមិចោមរោមមើល និងរាយការណ៍មកសមត្ថកិច្ចមូលដ្ឋានតែម្ដង ។
ក្រោយមកសមត្ថកិច្ចបានមកដល់វាស់វែង និងហៅក្រុមគ្រួសារអ្នករងរបួសធ្ងន់បញ្ជូនទៅព្យាបាលនៅមន្ទីរពេទ្យបង្អែកខេត្តស្វាយរៀង ។
ចំណែកវត្ថុតាងទាំងពីគ្រឿង និងអ្នកបើកបររថយន្តត្រូវបានសមត្ថកិច្នគរបាលឃាត់ខ្លួនយកមករក្សាទុកនៅអធិការដ្ឋាននគរបាលក្រុងបាវិត ដើម្បីបំពេញសំណុំរឿងតាមនិតិវិធី ៕ យឹម សុថាន
