សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ លោកវរសេនីយ៍ត្រីឈុន រតនៈ អធិការរងនគរបាលស្រុកព្រៃនប់ ទទួលការងារប្រឆាំងបទល្មើស បានឲ្យដឹងថាៈ នៅវេលាម៉ោង១៣និង២០នាទី ថ្ងៃចន្ទ ៥កើត ខែផល្គុន ឆ្នាំរកា នព្វស័ក ព.ស.២៥៦១ ត្រូវនឹងថ្ងៃទី១៩ ខែកុម្ភៈ ឆ្នាំ២០១៨ សមត្ថកិច្ចនគរបាលស្រុកព្រៃនប់ បានបង្ក្រាបបទល្មើសគ្រឿងញៀនមួយករណី ចាប់ខ្លួនជនសង្ស័យម្នាក់ នៅចំណុចផ្ទះចិញ្ចឹមត្រចៀកកាំ ភូមិកំពង់ចិន ឃុំទឹកថ្លា ស្រុកព្រៃនប់ ខេត្តព្រះសីហនុ ព្រមទាំងចាប់យកបានថ្នាំញៀន សថ្លា ចំនូន២៧កញ្ជប់ (ធំ១កញ្ចប់) និងទូរសព្ទ័១គ្រឿង ។
ជនសង្ស័យ ឈ្មោះ ជួន ចន្ថា ភេទ ប្រុស អាយុ ២៤ឆ្នាំ មុខរបរជាអ្នកមើលថែផ្ទះចិញ្ចឹមសត្វត្រចៀកកាំ មានទីលំនៅ ភូមិកំពង់ចិន ឃុំទឹកថ្លា ស្រុកព្រៃនប់ ខេត្តព្រះសីហនុ។ បច្ចុប្បន ជនសង្ស័យត្រូវបានសមត្ថកិច្ចកសាងសំណុំរឿង បញ្ជូនទៅសាលាដំបូងខេត្ត ដើម្បីចាត់ការតាមនីតិវិធី ៕ ឆ្លាម សមុទ្រ
