សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ កម្លាំងការិយាល័យស៊ើបអង្កេត និងអនុវត្តនីតិវិធីបានទទួលជនបរទេសម្នាក់ពីកម្លាំងនគរបាលរដ្ឋបាលប៉ុស្តិ៍ជ្រោយចង្វាកាលពីថ្ងៃអាទិត្យ ២កើត ខែចេត្រ ឆ្នាំ រកា នព្វស័ក ព.ស.២៥៦១ ត្រូវនឹងថ្ងៃទី១៨ ខែមីនា ឆ្នាំ២០១៨ ។
លោកវរសេនីយ៍ទោ ជា ចត្រា នាយការិយាល័យស៊ើបអង្កេត និងអនុត្តនីតិវិធីបានឲ្យដឹងថា ជនបរទេសខាងលើឈ្មោះ Daniel Jean-PierreBebey អាយុ២៩ឆ្នាំ ជនជាតិស្វីស ដោយជនបរទេសខាងលើបម្រុងលោតពីលើស្ពានជ្រោយចង្វា ត្រូវបានកម្លាំងនគរបាលរដ្ឋបាលប៉ុស្តិ៍ជ្រោយចង្វាជួយសង្គ្រោះទាន់ពេល បានឃាត់ខ្លួនបញ្ជូនមកការិយាល័យស៊ើបអង្កេត និងអនុវត្តនីតិវិធី បន្ទាប់មកកម្លាំងការិយល័យបានត្រួតពិនិត្យឯកសារ ឃើញថា ជននេះគ្មានលិខិតឆ្លងដែន និងការស្នាក់នៅមិនពិតប្រាកដ។
បច្ចុប្បន្នជនបរទេសខាងលើត្រូវបានបញ្ជូន ទៅអគ្គនាយកដ្ឋានអន្តោប្រវេសន៍ដើម្បីអនុវត្តនីតិវិធីបន្ត ៕ ជ្រោយពេជ្រ
