សារព័ត៌មាន នគរវត្ត តែងតែនាំមុខគេជានិច្ច
ខេត្តស្ទឹងត្រែង៖ កម្លាំងកងរាជអាវុធហត្ថខេត្តស្ទឹងត្រែង បានចុះបង្ក្រាបរថយន្តដឹកឈើប្រណីត១គ្រឿងម៉ាក់កាមរីគូទហើម ពណ៌ស្លែ គ្មានស្លាកលេខ ដឹកចេញពីម្ដុំ ដុងកាចែមឫភូមិញឿន លុះមកដល់ចំណុចមុខខ្លោងទ្វារវត្តចូលភូមិហាងខូបាន ក៏ត្រូវបានអាវុធហត្ថធ្វើការស្ទាក់និងប្រដេញចាប់រហូតមកដល់ ត្រង់ចំណុច បេនឡានផ្លូវអាស៊ាន ស្ថិតនៅសង្កាតស្រះឫស្សី ក្រុងស្ទឹងត្រែង ទើបចាប់រថយន្តដឹកឈើនោះបានតែម្តង ។
ករណីបង្ក្រាបរថយន្តដឹកឈើប្រណីតខាងលើនេះ បានធ្វើឡើងកាលពីវេលាម៉ោង៨និង៤២នាទីព្រឹក ថ្ងៃអង្គារ ១១កើត ខែចេត្រ ឆ្នាំរកា នព្វស័ក ព.ស២៥៦១ ត្រូវនឹងនៅថ្ងៃទី២៧ ខែមីនា ឆ្នាំ២០១៨ ត្រង់ចំណុច បេនឡានផ្លូវអាស៊ាន ស្ថិតនៅសង្កាតស្រះឫស្សី ក្រុងស្ទឹងត្រែង ។
រថយន្តដឹកឈើប្រណីត១គ្រឿងនោះ ម៉ាកកាមរីគូទហើម ស៊េរីឆ្នាំផលិត ១៩៩៥ ពណ៌ស្លែ គ្មានស្លាកលេខ អ្នកបើកបររត់គេខ្លួនបាត់ស្រមោល ។
ក្រោយកើតហេតុ កម្លាំងកងអាវុធហត្ថខេត្ត បានឲ្យដឹងថា ក្នុងករណីបង្ក្រាបរថយន្តដឹកឈើប្រណីត(ធ្នង់)ខាងលើនេះ សមត្ថកិច្ចបានធ្វើកំណត់ហេតុ រួចហើយ ប្រគល់ឲ្យទៅជំនាញរដ្ឋបាលព្រៃឈើដើម្បីបន្តនិតិវីធី ។ ដោយឡែកចំនួនឈើមិនទាន់ដឹងថាមានទំហំប៉ុន្មានម៉ែត្រគូបឡើយនោះទេ ៕ មាស សុផាត
