សារព័ត៌មាន នគរវត្ត តែងតែនាំមុខគេជានិច្ច
ខេត្តកណ្ដាល៖ ថ្ងៃទី៣១ ខែមីនា ឆ្នាំ២០១៨ នគរបាលប៉ុស្ដិ៍រដ្ឋបាលចាប់ខ្លួនជនសង្ស័យ៣នាក់ ដែលសកម្មភាពលួចប្រេងម៉ាស៊ូតក្នុងការដ្ឋានដាំកូនឈើប្រឡាយ១១ ស្ថិតក្នុងភូមិព្រែកតារត្ន័ ឃុំពោធិបាន ស្រុកកោះធំ ខេត្តកណ្ដាល ។
មន្រ្ដីនគរបាលស្រុកកោះធំបានឲ្យដឹងថា ជនសង្ស័យចាប់ខ្លួនបានមាន៣នាក់ ទី១-ឈ្មោះ នុន ហុងលី ភេទប្រុស អាយុ១៨ឆ្នាំ ជនជាតិខ្មែរ មុខរបរបើកបររថយន្ដ មានទីលំនៅភូមិតាឡក ឃុំសេមសាន្ត ស្រុកឧដ្ដុង ខេត្តកំពង់ស្ពី ទី២-ឈ្មោះ អុន ផល្លា ភេទប្រុស អាយុ ២៥ឆ្នាំ ជនជាតិខ្មែរ មុខរបរបើកបររថយន្ដ មានទីលំនៅភូមិបាគៀយ ឃុំក្រាំងចេក ស្រុកឧដ្ដុង ខេត្តកំពង់ស្ពឺ ទី៣-ឈ្មោះ ឃូន អ៊ាល (ហៅដូង) ភេទប្រុស អាយុ៣៨ឆ្នាំ ជនជាតិខ្មែរ មុខរបរបើកបររថយន្ដ មានទីលំនៅភូមិកញ្ជំ ឃុំកញ្ជំ ស្រុកពារាំង ខេត្តព្រៃវែង ។ ចំណែជនរងគ្រោះតំណាងឲ្យក្រុមហ៊ុនឈ្មោះ ភន ស្រអែម ភេទប្រុស អាយុ៣៩ឆ្នាំ ជនជាតិខ្មែរ មុរបរសន្តិសុខ ស្នាក់នៅភូមិព្រែកតារត្ន័ ឃុំពោធិបាន ស្រុកកោះធំ ខេត្តកណ្ដាល ។ ចំណែកវត្ថុតាងដកហូតបានមានប្រេងម៉ាស៊ូត ចំនួន២ ពីដុង ស្មើនឹង៦០លីត្រ ។
ប្រភពដដែលបន្ដថា កន្លងមកជនសង្ស័យទាំង៣នាក់គឺជាបុគ្គលិលបើកបររថយន្ដក្នុងការដ្ឋានដឹកខ្សាច់នៅឫស្សីកែវ ក្រុងភ្នំពេញ ។ លុះមកដល់ថ្ងៃទី២០ ខែមីនា ឆ្នាំ២០១៨ មេការការដ្ឋាន បានឲ្យជនសង្ស័យទាំង៣នាក់មកបើកឡានដឹកដីក្នុងការដ្ឋានដាំដើមឈើប្រលាយ១១ ស្ថិតក្នុងភូមិព្រែកតារត្ន័ ឃុំពោធិបាន ស្រុកកោះធំ ខេត្តកណ្ដាល ។ ខណៈដែលបើករថយន្ដដឹកដីបានចំនួន២ទៅ៤ថ្ងៃ សន្តិសុខយាមការដ្ឋាន មានការសង្ស័យទៅលើជនសង្ស័យទាំង៣ ក៏បានចាំឃ្លាំមើល រហូតមកដល់ថ្ងៃកើតហេតុនៅម៉ោង២០និង១៥នាទី សន្តិសុខដើរទៅមើល កន្លែងចតទុកដាក់រថយន្ដ ក៏បានឃើញជនសង្ស័យកំពុងធ្វើសកម្មភាពលួចបូមប្រេងចេញពីឡានដឹកដី ភ្លាមនោះសន្ដិសុខតំណាងឲ្យក្រុមការដ្ឋានក៏បានមកដាក់ពាក្យបណ្ដឹងនៅប៉ុស្ដិ៍នគរបាលរដ្ឋបាលពោធិបានដើម្បីចាតការតាមនីតិវិធីច្បាប់ ៕ ស្អាងជ័យ
