សារព័ត៌មាន នគរវត្ត តែងតែនាំមុខគេជានិច្ច
ខេត្តបន្ទាយមានជ័យ ៖ ខ្យល់កន្ត្រាក់ប៉ះពាល់៤ស្រុក ក្រុងបានបំផ្លាញផ្ទះសម្បែងប្រជាពលរដ្ឋ២៨ខ្នង ធ្ងន់ធ្ង៥ខ្នង នៅថ្ងៃបុណ្យចូលឆ្នាំថ្មីថ្ងៃទី០២ កាលពីថ្ងៃទី១៥ ខែមេសា ឆ្នាំ២០១៨ នៅខេត្តបន្ទាយមានជ័យ។
លោកឧត្តមសេនីយ៍ទោ អាត់ ខែម ស្នងការនគរបាលខេត្តបន្ទាយមានជ័យបានប្រាប់ថា នៅថ្ងៃបុណ្យឆ្នាំថ្មីប្រពៃណីខ្មែរឆ្នាំច ឆ្នាំ២០១៨ មានខ្យល់កន្ត្រាក់បានបំផ្លាញផ្ទះសម្បែងប្រជាពលរដ្ឋអស់២៨ខ្នង ធ្ងន់ធ្ង៥ខ្នង ដែលប៉ះពាល់៤ស្រុក.ក្រុងមាន ១.ស្រុកមង្គលបូរីប៉ះពាល់១៤ខ្នង ធ្ងន់ធ្ង៤ខ្នង, ២.ស្រុកអូរជ្រៅប៉ះពាល់១០ខ្នង ធ្ងន់ធ្ង១ខ្នង ៣.ស្រុកម៉ាឡៃប៉ះពាល់១ខ្នង ៤.ក្រុងប៉ោយប៉ែតប៉ះពាល់៣ខ្នង។
លោកបានបញ្ជាក់ថា ក្រោយពេលដែលទទួលព័ត៌មានបានដឹងប្រជាពលរដ្ឋ៤ស្រុក ក្រុងរងគ្រោះដោយខ្យល់កន្ត្រាក់កម្លាំងស្នងការនគរបាលខេត្ត ស្រុករួមជាមួយកម្លាំងយោធានិងកងរាជអាវុធហត្ថបានសហការគ្នាចុះអន្តរាគមន៍ដល់បងប្អូនប្រជាពលរដ្ឋជួយរុះរើនិងជួសជុលផ្ទះសម្បែងជូនប្រជាពលរដ្ឋដែលរងគ្រោះដោយខ្យល់កន្ត្រាក់។
លោកឧត្តមសេនីយ៍ទោ អាត់ ខែម បានបញ្ជាក់ថាចំពោះប្រជាពលរដ្ឋដែលរងគ្រោះធ្ងន់ធ្ងបាក់និងរលំផ្ទះគឺលោកឧបនាយករដ្ឋមន្ត្រី កែ គឹមយ៉ាន និងលោកជំទាវ ម៉ៅ ម៉ាល័យ បានជួយជាស័ង្កសីតាមរយៈលោកជូនដល់ប្រជាពលរដ្ឋដើម្បីជួសជុលផ្ទះសម្បែងដែលរងគ្រោះធ្ងន់ធ្ងរ។
លោក លី សារី អភិបាលរងខេត្តនិងជាប្រធានសាខាកាកបាទក្រហមកម្ពុជាខេត្តបន្ទាយមានជ័យបានបញ្ជាក់ថាក្រោយពេលទទួលព័ត៌ពីអនុសាខាកាកបាទក្រហមកម្ពុជាតាមបណ្តាស្រុក ក្រុងដែលប្រជាពលរដ្ឋរងគ្រោះដោយខ្យល់កន្ត្រាក់គឺសាខាបាទក្រហមកម្ពុជាខេត្តត្រៀមអំណោយនាំយកចែកជូនដល់ប្រជាពលរដ្ឋគ្រោះដោយខ្យល់កន្ត្រាក់ដែលប៉ះពាល់៤ស្រុក ក្រុង ៕ សំ វិច្ឆិកា
