ជនសង្ស័យ៥នាក់ជាមុខសញ្ញាប្លន់ត្រូវកម្លាំងនគរបាលសហការគ្នាចាប់ខ្លួន

ភ្នំពេញ៖ កម្លាំងនគរបាលព្រហ្មទណ្ឌខណ្ឌ៧មករា សហការជាមួយកម្លាំងនគរបាលព្រហ្មទណ្ឌចំការមននិងនគរបាលព្រហ្មទណ្ឌកម្រិតស្រាល បានឃាត់ខ្លួនជនសង្ស័យប្រុសស្រី៥នាក់ជាមុខសញ្ញាប្លន់នៅពេលយប់ចាប់ខ្លួនបានហើយរួមនិងកាំភ្លើងខ្លី២ដើមផងដែរ ហេតុការណ៌នេះបង្កភ្ញាក់ផ្អើលឡើងកាលវេលាម៉ោង ២និង៣០នាទី ថ្ងៃអាទិត្យ ៨កើត ខែពិសាខ ឆ្នាំច សំរឹទ្ធិស័ក ព.ស. ២៥៦២ ត្រូវនឹងថ្ងៃទី២២ ខែមេសា ឆ្នាំ២០១៨ ស្ថិតនៅចំណុចអាគាបុរីកីឡា តាមបណ្តោយផ្លូវ២១១ សង្កាត់វាលវង់ ខណ្ឌ៧មករា រាជធានីភ្នំពេញ ។

បច្ចុប្បន្នជនសង្ស័យទាំង៥នាក់រួមវត្ថុតាងត្រូវបានសមត្ថកិច្ចខណ្ឌ៧មករានាំមក សាកសួរ និងឃាត់ខ្លួនបណ្ដោះអាសន្ននៅអធិការដ្ឋាននគរបាលខណ្ឌ៧មករា ដើម្បីតាមស្រាវជ្រាវរកបក្សពួកវាបន្តទៀតផងដែរ៕ ស រស្មី