សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ ព័ត៌មានប្រចាំថ្ងៃរបស់ស្នងការដ្ឋាន នគរបាលខេត្តព្រះសីហនុ បានឲ្យដឹងថា៖ នៅវេលាម៉ោង២និង៣០នាទីរំលងអធ្រាត្រ ឈានចូល ថ្ងៃសៅរ៍ ៦រោច ខែពិសាខ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី៥ ខែឧសភា ឆ្នាំ២០១៨ ដោយអនុវត្តន៍តាមការណែនាំ និង បទបញ្ជារបស់ លោកឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុ នគរបាលចរាចរណ៍ផ្លូវគោកដឹកនាំដោយ លោកវរសេនីយ៍ឯក ព្រហ្ម ពៅ នាយការិយាល័យនគរបាលចរាចរណ៍ផ្លូវគោក បានរឹតបន្តឹង ការអនុវត្តច្បាប់ស្តីពីចរាចរណ៍ផ្លូវគោក ក្នុងទីប្រជុំជនក្រុង ចំនួនពីរកន្លែង៖
គោលដៅទី១ នៅរង្វង់មូលតោពីរសង្កាត់លេខ៤ ក្រុងព្រះសីហនុ។
គោលដៅទី២ លើវិថី២ធ្នូ កែងច្រមុះជ្រូកបូរីគុជអាស៊ី ក្រុងព្រះសីហនុ ។
ជាលទ្ធផលបានរកឃើញ និង ឃាត់ទុករថយន្តចំនួន៧គ្រឿង ដែលបេីកបរ ដោយជនជាតិចិន គ្មានច្បាប់អនុញ្ញាត និងមានប័ណ្ណបេីកបរ ពុំត្រឹមត្រូវ រថយន្តទាំង៧គ្រឿងមាន ៖
១-ម៉ាក HYUNDAI ពណ៌ស ស្លាកលេខ ព្រះសីហនុ 2A-7593។
២-ម៉ាក HIGHLANDER ពណ៌ស ស្លាកលេខ ភ្នំពេញ 2S-0691 ។
៣-ម៉ាក HIGHLANDER ពណ៌ស ស្លាកលេខ ភ្នំពេញ 2L-1456 ។
៤-ម៉ាក HYUNDAI ពណ៌ស ស្លាកលេខ ភ្នំពេញ 2AQ-2076 ។
៥-ម៉ាក HYUNDAI ពណ៌ស ស្លាកលេខ ព្រះសីហនុ 2A-9673 ។
៦-ម៉ាក HYUNDAI H1 ពណ៌ ប្រផេះ គ្មានផ្លាកលេខ ។ ៧-ម៉ាក LEXUS RX300 ពណ៌ស ស្លាកលេខ ភ្នំពេញ 2AF-9312 ។
រថយន្តទាំងអស់ បើកបរដោយជនជាតិ ចិន គ្មានបណ្ណបើកបរ និងមានបណ្ណបើកបរ មិនត្រឹមត្រូវ មិនអនុញ្ញាតឲ្យធ្វេីចរាចរតាមផ្លូវសាធារណៈ និងបានយកមករក្សាទុកនៅការិយាល័យនគរបាលចរាចរណ៍ផ្លូវគោក ដើម្បីចាត់ការតាមនីតិវិធី ៕ ឆ្លាម សមុទ្រ
