សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង៖ បុរស២នាក់បានរងរបួសដោយសារករណីគ្រោះថ្នាក់ចរាចរណ៍រវាងម៉ូតូហុងដាសេ១២៥ បើកមិនគោរពសិទ្ធិអទិភាពបុកជាមួយម៉ូតូច្នៃរ៉ឺម៉កបញ្ច្រាសគ្នាយ៉ាងពេញទំហឹងកាលពីថ្ងៃសុក្រ ៥រោច ខែពិសាខ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី៤ ខែឧសភា ឆ្នាំ២០១៨ វេលាម៉ោង៥និង៥០នាទីល្ងាច នៅចំណុចលើផ្លូវ៣១៤D ស្ថិតក្នុងភូមិប្រសូត្រ១ ឃុំកណ្តៀងរាយ ស្រុកស្វាយទាប ខេត្តស្វាយរៀង ។
យោងតាមសមត្ថកិច្ចនគរបាលស្រុកបានឲ្យកាសែតនគរវត្តដឹងថា អ្នកបង្កជិះម៉ូតូម៉ាក ហុងដាឌ្រីម សេរី ឆ្នាំ២០១៦ ពណ៌ខ្មៅ ពាក់ស្លាកលេខ ស្វាយរៀង ១I ៩២៩៥ បើកបរដោយឈ្មោះ ពេជ្រ ជៀន អាយុ ៣៥ឆ្នាំមុខរបរ បើកបររថយន្ត រស់នៅភូមិព្រៃសម្ភ័រ ឃុំសំបួរ ស្រុកស្វាយទាប ខេត្តស្វាយរៀង។
ចំណែកអ្នកបើកម៉ូតូច្នៃរ៉ឺម៉កម៉ាកវ៉េវ ពណ៌ខ្មៅ គ្មានស្លាកលេខ បើកបរដោយឈ្មោះ ផុន ប៊ុនលី អាយុ ២៨ឆ្នាំ មុខរបររត់រ៉ឺម៉ក បច្ចុប្បន្នរស់នៅភូមិរោទិ៍ ឃុំខ្សែត្រ ស្រុកកំពង់រោទិ៍ ខខេត្តស្វាយរៀង។
តាមសាក្សីបានឲ្យដឹងថា មុនពេលកើតហេតុមានបុរសម្នាក់ជិះម៉ូតូម៉ាក ហុងដាឌ្រីមសេរីឆ្នាំ២០១៦ ពណ៌ ខ្មៅ ពាក់ស្លាកលេខ ស្វាយរៀង ១I ៩២៩៥ ដែលធ្វើដំណើរពីលិចទៅទិសខាងជើងខណះបើក មិនគោរពសិទ្ធិភាពស្រាប់តែទៅបុកនឹងម៉ូតូច្នៃរ៉ឺម៉ក ម៉ាកវ៉េវ ពណ៌ខ្មៅគ្មាន ស្លាកលេខ ក្នុងទិសដីពីជើងមកត្បូង ចំពាក់កណ្តាលម៉ាស៊ីនម៉ូតូយ៉ាងពេញទំហឹងបណ្ដាលឲ្យមនុស្សនិងម៉ូតូខ្ទាតហោះផ្លោងប្រមាណ៣ម៉ែត្របង្កការភ្ញាក់ផ្អើលតែម្ដង។
ក្រោយពីកើតហេតុអ្នកភូមិបានរាយការណ៍មកសមត្ថកិច្ចមូលដ្ឋានមកអន្តរាគមន៍យកអ្នករងរបួសទាំងសងខាងមកព្យាបាលនៅមន្ទីរពេទ្យបង្អែកស្វាយទាប។
ព្រមទាំងវាស់វែង និងអូសម៉ូតូ២គ្រឿងយកមករក្សាទុកនៅអធិការដ្ឋាន នគរបាលស្រុកស្វាយទាបដើម្បីដោះស្រាយពេលក្រោយ ៕ យឹម សុថាន
