សារព័ត៌មាន នគរវត្ត តែងតែនាំមុខគេជានិច្ច
ខេត្តប៉ៃលិន៖ កាលពីថ្ងៃទី០៧ ខែឧសភា ឆ្នាំ២០១៨ មានករណីចោរលួចម៉ូតូមួយកើតឡើង ស្ថិតនៅចំណុចភូមិពេជ្រគិរី សង្កាត់ប៉ៃលិន ក្រុងប៉ៃលិន ខេត្តប៉ៃលិន។
ម៉ូតូដែលជនសង្ស័យលួចយកទៅម៉ាក YAMAHA excicer គ្មានស្លាកលេខ ម្ចាស់ម៉ូតូឈ្មោះ ឆន ភីរម្យ ភេទប្រុស អាយុ ២១ឆ្នាំ មុខរបរកសិករ មានទីលំនៅបច្ចុប្បន្ននៅ ភូមិបឌិននៀវ សង្កាត់ប៉ៃលិន ក្រុងប៉ៃលិន ខេត្តប៉ៃលិន។
ម៉ូតូដែលបានបាត់ត្រូវបានម្ចាស់ម៉ូតូ និងប្រជាពលរដ្ឋ រកឃើញវិញ នៅជាប់ចិញ្ចើមផ្លូវក្នុងចំការដំឡូង ស្ថិតក្នុងភូមិកើតហេតុខាងលើ ដែលជនសង្ស័យបានយកទៅទុកចោល ហើយព្យាយាមរត់គេចខ្លួនបាត់ ។
ករណីខាងលើកម្លាំងជំនាញផ្នែកព្រហ្មទណ្ឌនៃអធិការដ្ឋាននគរបាលក្រុងប៉ៃលិន កំពុងតាមដានរកមុខសញ្ញា ចំណែកម៉ូតូរបស់ជនរងគ្រោះ ត្រូវបានយកមករក្សាទុកនៅអធិការដ្ឋាននគរបាលក្រុងប៉ៃលិន ជាបណ្តោះអាសន្ន ដើម្បីរង់ចាំប្រគល់ជូនទៅម្ចាស់វិញ ៕ ស សារ៉េត
