សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ កម្លាំងនគរបាលប៉ុស្តិ៍រដ្ឋបាលសង្កាត់លេខ១ សហការជាមួយអធិការដ្ឋាននគរបាលក្រុង បានចុះបង្រ្កាបករណីគ្រឿងញៀនឃាត់ខ្លួនជនសង្ស័យ ២នាក់ កាលពីវេលាម៉ោង១៦និង៤០នាទីថ្ងៃអង្គារ ៩រោច ខែពិសាខ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី៨ ខែឧសភា ឆ្នាំ២០១៨ ស្ថិតនៅក្រុម៧ ភូមិ១ សង្កាត់លេខ១ ក្រុង-ខេត្តព្រះសីហនុ ។
ជនសង្ស័យទាំង២នាក់មាន៖ ទី១-ឈ្មោះ សិង្គ ណារិទ្ធ ភេទប្រុស អាយុ៣៣ឆ្នាំ មុខរបរ បើកបរ ទីលំនៅបច្ចុប្បន្ន មិនពិតប្រាកដ ។
ទី២-ឈ្មោះ សុខ ចាន់នី ភេទប្រុស អាយុ ២៨ឆ្នាំ ទីលំនៅបច្ចុប្បន្នក្រុមទី៧ ភូមិ០១ សង្កាត់លេខ១ ក្រុង-ខេត្តព្រះសីហនុ ។
ក្រោយឃាត់ខ្លួនសមត្ថកិច្ចបានដកហូតវត្ថុតាងរួមមាន៖ ម្សៅក្រាមពណ៌សថ្លា ១កញ្ចប់តូច និង ៤កញ្ចប់ធំ ទូរស័ព្ទចំនួន ៣គ្រឿង ។
បច្ចុប្បន្នជនសង្ស័យទាំង២នាក់ កម្លាំងសមត្ថកិច្ចកំពុងតែកសាងសំណុំរឿងចាត់ការតាមនីតិវិធី ៕ ឆ្លាម សមុទ្រ
