សារព័ត៌មាន នគរវត្ត តែងតែនាំមុខគេជានិច្ច
ខេត្តកណ្តាល៖ មានករណីគ្រោះថ្នាក់ចរាចរណ៍មួយកើតឡើងដោយរថយន្តបុកអ្នកថ្មើរជើង បណ្តាលឲ្យស្លាប់នៅនឹងកន្លែង កាលពីវេលាម៉ោង៧និង២០នាទីយប់ថ្ងៃអាទិត្យ ៦កើត ខែ ជេស្ឋ ឆ្នាំ ច សំរឹទ្ធិស័ក ព.ស. ២៥៦២ ត្រូវនឹង ថ្ងៃទី២០ ខែឧសភា ឆ្នាំ២០១៨ នៅលើផ្លូវលេខជាតិលេខ១ ត្រង់ចន្លោះគីឡូម៉ែត្រលេខ៣១-៣២ ភូមិកណ្តាល ឃុំ បន្ទាយដែក ស្រុកកៀនស្វាយ ខេត្តកណ្តាល។
នគរបាលស្រុក កៀនស្វាយ បានឲ្យដឹងថា ជនរងគ្រោះឈ្មោះ ឡាយ ឡុង ភេទប្រុស អាយុ២២ឆ្នាំ មានទីលំនៅ ភូមិ ព្រែកស្វាយ២ ឃុំឈើទាល ស្រុកកៀនស្វាយ ខេត្តកណ្តាលស្លាប់នៅកន្លែង ពេលជិះម៉ូតូតាមផ្លូវ ហើយត្រូវរថយន្តមិនស្គាល់ម៉ាកបុកទាំងកំរោល។ ចំណែករថយន្តបង្កមិនស្គាល់អត្តសញ្ញាណបើករត់គេចខ្លួនបាត់តែម្តង។
ចំពោះសាកសព សមត្ថកិច្ចនគរបាលចរាចរស្រុកកៀនស្វាយបានប្រគល់ជូនក្រុមគ្រួសារយកទៅធ្វើបុណ្យតាមប្រពៃណី៕ សហការី
