សារព័ត៌មាន នគរវត្ត តែងតែនាំមុខគេជានិច្ច
ភ្នំពេញៈ ជនសង្ស័យម្នាក់ត្រូវ សន្តិសុខតាមចាប់បានភ្លាមៗ ហើយបានប្រគល់ជូនសមត្ថកិច្ចមូលដ្នានវាយខ្នោះ បន្ទាប់ពីរូបគេបានធ្វើសកម្មភាព លូកយកទូរសព្ទដៃម៉ាក IPhone ពីយុវតីមួយក្រុម ដែលកំពុងអង្គុយលើបង់ កោះពេជ្រ។
ហេតុការណ៍នេះកើតឡើងកាលពីវេលាម៉ោង៩និង៤០នាទីយប់ ថ្ងៃអាទិត្យ ១៣កើត ខែជេស្ឋ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី២៧ ខែឧសភា ឆ្នាំ២០១៨ ត្រង់ចំណុច ក្នុងកោះពេជ្រ ស្ថិតក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ។
ជនសង័្សយមាន ឈ្មោះ ធឿន ភិនភាគ ភេទប្រុស អាយុប្រហែល២៣ឆ្នាំ ជាង ជាបុគ្គលិកធ្វើការក្នុងកន្លែងកម្សាន្តកោះពេជ្រ ។
បើតាមសម្តីនារីខាងលើ បានឲ្យដឹងថា នៅមុនពេលកើតហេតុ ពួកខ្លួនមានគ្នា៥នាក់ បានជិះម៉ូតូ មកអង្គុយនៅ ជាប់របង CITY Hall ហើយបានទុកទូរស័ព្ទដៃម៉ាក IPhone កំពុងតែសាកថ្មជាប់នឹងប្រដាប់សាកថ្ម កំពុងតែនិយាយគ្នាលេងស្រាប់តែមាន ជនសង្ស័យខាងលើ បានដើរមកពីខាងក្នុងបរិវេណ CITY Hall មកធ្វើសកម្មភាពហើយបានលួចយកទូរសព្ទដៃ IPhone របស់ខ្លួន តែចៃដន្យពេលលូកយកទូរសព្ទដៃ ខ្សែសាកដែលដោតថ្មជាប់ទូរស័ព្ទទាក់ជើងមិត្តភក្តិរបស់ខ្លួន ស្រាប់តែជនសង្ស័យស្ទុះរត់យកទូរស័ព្ទ ទើបពួកខ្លួននាំគ្នាស្រែកចោរៗដើម្បីឲ្យគេជួយដេញចាប់ក៏បានផ្អើលដល់សន្តិសុខកោះពេជ្រ ជួយដេញតាមចាប់បានទើប ប្រគល់ជូនសមត្ថកិច្ចប៉ុស្តិ៍ួន្លេបាសាក់តែម្តង ។
បច្ចុប្បន្នជនសង្ស័យត្រូវបានកម្លាំងនគរបាលបុ៉ស្តិ៍ទន្លេបាសាក់ នាំមកឃាត់ខ្លួនបណ្ដោះអាសន្ននៅអធិការដ្ឋាននគរបាលខណ្ឌចំការមបដើម្បីសួរនាំចាត់ការតាមនីតិវិធី៕ ស រស្មី
