រថយន្តសណ្តោងធុនធំបើកបុកម៉ូតូសេ១២៥របួសធ្ងន់ម្នាក់

ភ្នំពេញ ៖ បុរសម្នាក់បានរងរបួសធ្ងន់ធ្ងរ បន្ទាប់ពីជិះម៉ូតូជែងរថយន្តខាងមុខ ជ្រុលទៅបុករថយន្តសណ្តោងធុនធំបើកបញ្ច្រាស់ទិសគ្នា។

ហេតុការខាងលើបង្កឲ្យមានការភ្ញាក់ផ្អើលកាលពីវេលាម៉ោង៧និង១០នាទីយប់ ថ្ងៃព្រហស្បតិ៍ ២រោច ខែជេស្ឋ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី៣១ ខែឧសភា ឆ្នាំ២០១៨ ស្ថិតនៅតាមផ្លូវជាតិលេខ៣ ភូមិព្រៃព្រីងត្បូង២ សង្កាត់ចោមចៅ៣ ខណ្ឌពោធិសែនជ័យ រាជធានីភ្នំពេញ ។

តាមប្រភពព័ត៌មាននៅកន្លែងកើតហេតុ បានឲ្យដឹងថា មុនកើតហេតុ ជនរងគ្រោះជិះម៉ូតូ ម៉ាកហុងដា សេ១២៥ សេរី២០១៦ ពណ៌ខ្មៅ ពាក់ស្លាកលេខ ភ្នំពេញ 1GA-2537 ធ្វើដំណើរពីត្បូងទៅជើង ល្បឿនលឿន ដល់ចំណុចកើតហេតុ ជែងរថយន្តខាងមុខ ហើយជ្រុលទៅបុកជាមួយរថយន្តសណ្តោងសុីទែនដឹកសុីម៉ង់ត៍ ម៉ាកហុីយ៉ាន់ដាយ ពាក់ស្លាកលេខ ព្រះសីហនុ 3A-6306 បើកបញ្រ្ចាសទិស បណ្តាលឲ្យរងរបួសធ្ងន់ធ្ងរ ។

ក្រោយកើតហេតុ ជនរងគ្រោះ ត្រូវបានរថយន្តសង្រ្គោះបន្ទាន់ ប្រញាប់ប្រញាល់ ដឹកយកទៅបាត់ ចំណែកឯរថយន្ត និងម៉ូតូត្រូវបានសមត្ថកិច្ចជំនាញយកទៅរក្សាទុកដើម្បីដោះស្រាយគ្នានៅពេលក្រោយ៕ សុខាសែនជ័យ