សារព័ត៌មាន នគរវត្ត តែងតែនាំមុខគេជានិច្ច
ប៉ោយប៉ែត៖ ស្ត្រីម្នាក់រងរបួសបាក់ភ្លៅឆ្វេង ខណ:ជិះម៉ូតូឆ្លងផ្លូវត្រូវម៉ូតូមួយគ្រឿងទៀតបុកនៅថ្ងៃព្រហស្បតិ៍ ២រោច ខែជេស្ឋ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី៣១ ខែឧសភា ឆ្នាំ២០១៨ វេលាម៉ោង ១៨ និង ២០នាទី លើផ្លូវជាតិលេខ៥ ត្រង់ចំណុចខាងមុខធនាគារអេស៊ីលីដា ស្ថិតក្នុងភូមិបាលិលេយ្យ១ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ។
សមត្ថកិច្ចប្រាប់ថា ម៉ូតូម៉ាកស្កូបពីអ្នកបើកបរីឈ្មោះ អ៊ុំ ស្រីនៅ ភេទស្រី អាយុ៣៩ឆ្នាំ មុខរបរលក់ដូរ រស់នៅក្នុងភូមិអូរឬស្សីលើ សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ (រងរបួសលើជើងខាងឆ្វេង) ចំណែកអ្នកបើកបរម៉ូតូម៉ាកសេ១២៥ ឈ្មោះ ហុង ប៊ុនលីម ភេទប្រុស អាយុ២២ឆ្នាំ មុខរបរកម្មករ រស់នៅក្នុងភូមិគីឡូ សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ ។
មុនកើតហេតុ ឈ្មោះ ហុង ប៊ុនលីម ភេទប្រុសអ្នកបើកបរម៉ូតូម៉ាកសង់សេ១២៥ ពណ៌ខ្មៅ ពាក់ស្លាក់លេខ បន្ទាយមានជ័យ1k.4693 បើកបរក្នុងទិសដៅពីកើតទៅលិចលុះ ដល់ចំណុចកើតហេតុផ្លូវបំបែកជាបីបានជ្រុលចង្កូត បុកម៉ូតូម៉ាកស្កូបពីអត់ស្លាក់លេខអ្នក បើកបរឈ្មោះ អ៊ុំ ស្រីនៅ ភេទស្រីបើកឆ្លងពីមុខអេស៊ីលីដាបត់ទៅកើតរបូសតែម្ដង ។
នៅកន្លែងកើតហេតុ សមត្ថកិច្ចបានធ្វើកំណត់ហេតុ និងហៅរថយន្តដឹកស្ត្រីទៅសង្គ្រោះនៅមន្ទីររពេទ្យបង្អែក រីឯម៉ូតូទាំងពីរ(ខូចខាតស្រាល) បានយកទៅរក្សាទុកនៅអធិការដ្ឋានរង់ចាំដោះស្រាយតាមផ្លូវច្បាប់ ៕ វណ្ណា
