សារព័ត៌មាន នគរវត្ត តែងតែនាំមុខគេជានិច្ច
ខេត្តឧត្ដរមានជ័យ៖ បុរសម្នាក់បានស្លាប់នៅនឹងកន្លែងកើតហេតុ និងពីរនាក់ទៀតបានទទួលរងរបួសធ្ងន់ ដោយសាររន្ទះបាញ់នៅគ្រាដែលមានភ្លៀងធ្លាក់លាយឡំនឹងខ្យល់ ។
ហេតុការណ៍បានកើតឡើងនៅរសៀលថ្ងៃអាទិត្យ ៥រោច ខែជេស្ឋ ឆ្នាំច សំរឹទ្ធិស័ក្តិ ព.ស. ២៥៦២ ត្រូវនឹងថ្ងៃទី៣ ខែមិថុនា ឆ្នាំ២០១៨ ស្ថិតនៅដីចំការមួយកន្លែង ក្នុងភូមិគីរីវន្ដ សង្កាត់កូនគ្រាល ក្រុងសំរោង ខេត្ត ឧត្ដរមានជ័យ ។
សម្ថកិច្ចបានឲ្យដឹងថា ជនរងគ្រោះឈ្មោះឯកធួកហៅ ចាន់ ជាតិ ភេទ ប្រុសអាយុ៤៤ឆ្នាំរស់នៅភូមិឃុំកើតហេតុខាងលើ និងនាក់រងរបួសពីរនាក់ផ្សេងទៀត៖ ទី១ ឈ្មោះជាតិ ឡាយ ភេទប្រុស អាយុ១៦ឆ្នាំ ត្រូវជាកូនជនរងគ្រោះ, ទី ២ឈ្មោះ ជុយ ជឿន ភេទប្រុស អាយុ១៣ឆ្នាំ ជាអ្នកភូមិរស់នៅជាមួយគ្នា ។
បើតាមក្រុមគ្រួរសារសាច់ញាតិជនរងគ្រោះបានឲ្យដឹងថា នៅថ្ងៃកើតហេតុគឺពួកគាត់បាននាំគ្នាទៅចំការ នៅពេលមានភ្លៀងធ្លាក់ និងធ្លាក់ខ្យល់ផងនោះ ក៏បាននាំគ្នាជិះគោយន្ដ កន្ដ្រៃត្រឡប់មកផ្ទះវិញ ពេលកំពុងធ្វើដំណើរតាមផ្លូវ ក៏ត្រូវបានរន្ទះបាញ់ស្លាប់តែម្ដង ។
ក្រោយកើតហេតុសមត្ថកិច្ច បានកោសល្យវិច័យរួច ប្រគល់ឲ្យក្រុមគ្រួរសារយកទៅធ្វើបុណ្យទៅតាមប្រពៃណី ៕ ប៉ែន នួន
