សារព័ត៌មាន នគរវត្ត តែងតែនាំមុខគេជានិច្ច
ខេត្តបាត់ដំបង៖ កាលពីថ្ងៃអង្គារ ៧រោច ខែជេស្ឋ ឆ្នាំច សំរឹទ្ធិស័ក្តិ ព.ស. ២៥៦២ ត្រូវនឹងថ្ងៃទី៥ ខែមិថុនា ឆ្នាំ២០១៨ វេលាម៉ោង ១៧៖៣០នាទី កម្លាំងអធិការដ្ឋាននគរបាលស្រុកសំពៅលូន បានធ្វើការឃាត់ខ្លួនជនសង្ស័យ ១នាក់ បទលួងលោមរួមភេទជាមួយអនីតិជនអាយុ ១៥ឆ្នាំ នៅចំណុចភូមិត្រពាំងព្រលិត ឃុំសន្តិភាព ស្រុកសំពៅលូន ខេត្តបាត់ដំបង។
លោកវរសេនីយ៍ទោ ពេជ្រ សារ៉ែន អធិការនគរបាលស្រុកសំពៅលូន បានរាយការណ៍អោយដឹងថា កម្លាំងអធិការដ្ឋាននគរបាលស្រុកសំពៅលូន បានធ្វើការឃាត់ខ្លួនជនសង្ស័យ ០១នាក់ឈ្មោះ ស៊ិន.វិត ភេទប្រុស អាយុ ៦៣ឆ្នាំ មានទីលំនៅភូមិត្រពាំងព្រលិត ឃុំសន្តិភាព ស្រុកសំពៅលូន ខេត្តបាត់ដំបង ពីបទលួងលោមរួមភេទជាមួយអនីតិជនអាយុ ១៥ឆ្នាំ (មានសតិមិនគ្រប់) រហួតមានផ្ទៃពោះ ៦ខែ កាលពីកំឡុងខែ១២ ឆ្នាំ២០១៧ នៅចំណុចផ្សារតាឡន ភូមិត្រពាំងព្រលិត ឃុំសន្តិភាព ស្រុកសំពៅលូន ។
ករណីនេះ ជនសង្ស័យត្រូវសមត្ថកិច្ចជំនាញកំពុងកសាងសំណុំរឿងបញ្ជូនទៅសាលាដំបូងខេត្ត ដើម្បីចាត់ការបន្តតាមនីតិវិធី ៕ សំ វិច្ឆិកា
