សារព័ត៌មាន នគរវត្ត តែងតែនាំមុខគេជានិច្ច
ខេត្តត្បូងឃ្មុំ ៖ គ្រោះថ្នាក់ចរាចរណ៍មួយបានកើតឡើងនៅលើផ្លូវជាតិលេខ៨ ត្រង់ចំណុច គីឡូម៉ែត្រលេខ១៤៧-១៤៨ ស្ថិតនៅភូមិពោធិ៍រស្រុក ឃុំកោងកាង ស្រុកពញាក្រែក ខេត្ត ត្បូងឃ្មុំ កាលពីវេលាម៉ោង១០ និង១៥នាទី ថ្ងៃពុធ ៨កើត ខែបឋមាសាឍ ឆ្នាំច សំរឹទ្ធិស័ក ព.ស. ២៥៦២ ត្រូវនឹងថ្ងៃទី២០ ខែមិថុនា ឆ្នាំ២០១៨ បណ្តាលរងរបួស ម្នាក់ និងរថយន្តរងការខូចខាតមួយកំណាត់មុខ ខណៈភាគីម្ខាងទៀតបានបើករថយន្តគេច ខ្លួនពីកន្លែងហេតុ ។
សមត្ថកិច្ចបានឲ្យដឹងថា អ្នករងរបួសឈ្មោះ អ៊ាម ឈួង ភេទប្រុស អាយុ៥៩ឆ្នាំ ជាតិខ្មែរ រស់នៅភូមិស្ទឹងឃុំកោងកាង ស្រុកពញាក្រែក ខេត្តត្បូងឃ្មុំ (របួសស្រាល) ។ ជនរងគ្រោះបើករថយន្តម៉ាកនីសាន់ ពណ៌ទឹកប៊ិច ពាក់ស្លាកលេខភ្នំពេញ2U.5827 និងភាគីម្ខាងទៀត មិនស្គាល់ឈ្មោះ និង អត្តសញ្ញាណរថយន្ត ព្រោះក្រោយពេលកើតហេតុបើករថយន្តគេច បាត់ស្រមោល ។
សមត្ថកិច្ចបន្តថា រវាងរថយន្តទាំង២គ្រឿង បើកបរក្នុងទិសដៅបញ្ច្រាសទិសគ្នា ដោយ រថយន្តម៉ាកនីសាន់បើកបរពីព្រៃវែងមកស្រុកពញាក្រែក (ពីទិសខាងត្បូងទៅទិសខាង ជើង)។
ក្រោយកើតហេតុ សមត្ថកិច្ចបានត្រឹមធ្វើកំណត់ហេតុ ដោយសារភាគីម្ខាងទៀតបានបើក ចេញពីកន្លែងកើតហេតុគេចមិនព្រមដោះស្រាយ ។ ចំណែកជនរងគ្រោះត្រូវបានបញ្ជូនទៅសង្គ្រោះនៅមន្ទីរពេទ្យ ៕ វណ្ណៈ
