សារព័ត៌មាន នគរវត្ត តែងតែនាំមុខគេជានិច្ច
ខេត្តសៀមរាប៖ អាជ្ញាធរស្រុកជីក្រែងបានរាយការណ៍ថា បុរសជាឪពុកម្នាក់បានស្លាប់ពេលបញ្ជូនទៅដល់មន្ទីរពេទ្យ ចំណែកកូនដែលទើបមាន អាយុ២ខួបបានរងរបួសធ្ងន់ធ្ងរ ក្នុងហេតុការគ្រោះថ្នាក់ចរាចណ៍ ។ ហេតុការណ៍បានកើតឡើងនៅវេលាម៉ោង៩ និង៣០នាទីព្រឹកថ្ងៃសុក្រ ១០កើត ខែបឋមាសាឍ ឆ្នាំច សំរឹទ្ធិស័ក ព.ស. ២៥៦២ ត្រូវនឹងថ្ងៃទី២២ ខែមិថុនា ឆ្នាំ២០១៨ នៅភូមិចក ឃុំសង្វើយ ស្រុកជីក្រែង ខេត្តសៀមរាប ។
សមត្ថកិច្ចបាន ឲ្យដឹងថា ករណីនេះរថយន្តម៉ាក HIGHLADER ពណ៌ខ្មៅពាក់ស្លាកលេខ ភ្នំពេញ២ AE៤១៨២(ទីសដៅពីកើតទៅលិច) ឯម៉ូតូម៉ាកC១២៥ ពណ៌ខ្មៅ ពាក់ស្លាកលេខ សៀមរាប១R០៣៦៥ ។
ជនរងគ្រោះឈ្មោះ ម៉េង ព្យួឡុង ភេទប្រុស អាយុ២៨ឆ្នាំ ( អ្នកបើកបរម៉ូតូ ) បញ្ជូនដល់មន្ទីរពេទ្យស្លាប់ និងក្មេងរងគ្រោះឈ្មោះ កា លីណា ភេទប្រុស អាយុ២ឆ្នាំ ( កូន របួសធ្ងន់ )ជនរងគ្រោះ មានទីលំនៅភុមិ ឃុំកើតហេតុខាងលើ ។ ចំណែកអ្នកបើកបររថយន្តឈ្មោះ នុប ចន្ថា ភេទប្រុស អាយុ២៧ឆ្នាំ រស់នៅភូមិជើងព្រៃទី៣ ឃុំអំពៅព្រែក ស្រុកកណ្តាលស្ទឹង ខេត្តកណ្តាល ។
ក្រោយកើតហេតុសមត្ថកិច្ចប្រមូលយក រថយន្ត និងម៉ូតូរក្សាទុកនៅអធិការដ្ឋាននគរបាលស្រុក ដើម្បីកសាងសំណុំរឿង តាមនីតិវិធី ៕ ប៊ុន រិទ្ធី
