សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ មានគ្រោះថ្នាក់ចរាចរណ៍រវាងរថយន្តកុងតឺនរ័ម៉ាក HiNO ពាក់ស្លាកលេខ ភ្នំពេញ 3A 5728 បុកពីក្រោយម៉ូតូមួយគ្រឿងដឹកបន្លែ ទិសដៅស្របគ្នា(ក្រុងព្រះសីហនុ-ភ្នំពេញ)នៅផ្លូវជាតិលេខ៤ ម្តុំមុខទីអារាមកំពុងសង់ថ្មី ក្នុងឃុំអូរឧកញ៉ាហេង ស្រុកព្រៃនប់ វេលាម៉ោង១២និង៣០នាទី ថ្ងៃអង្គារ ១៤កើត ខែបឋមាសាឍ ឆ្នាំច សំរិទ្ធស័ក ព.ស.២៥៦២ ត្រូវនឹងថ្ងៃទី២៦ ខែមិថុនា ឆ្នាំ២០១៨ បណ្តាលអោយបុរសភាគីខាងម៉ូតូស្លាប់នៅនឹងកន្លែង រីឯអ្នកបើកបររថយន្តបានទុករថយន្តចោល ហើយចុះរត់គេចខ្លួន។ ភ្លាមៗគេនៅមិនទាន់ស្គាល់អត្តសញ្ញាណជនរងគ្រោះ និងភាគីខាងរថយន្តនៅឡើយ ។
បច្ចុប្បន្នម៉ូតូ និងរថយន្តត្រូវបានសមត្តកិច្ចយកទៅរក្សាទុកនៅអធិការដ្ឋាននគរបាលស្រុកព្រៃនប់ រង់ចាំដោះស្រាយតាមច្បាប់។
ចំណែកសាកសពរង់ចាំសាច់ញាតិ ក្រុមគ្រួសារយកទៅធ្វើបុណ្យតាមប្រពៃណី ៕ ឆ្លាម សមុទ្រ
