សារព័ត៌មាន នគរវត្ត តែងតែនាំមុខគេជានិច្ច
ខេត្តប៉ៃលិន៖ កាលពីវេលាម៉ោង១៩និង២០នាទី ថ្ងៃពុធ ១៥កើត ខែបឋមាសាឍ ឆ្នាំច សំរឹទ្ធិស័ក ព.ស. ២៥៦២ ត្រូវនឹងថ្ងៃទី២៧ ខែមិថុនា ឆ្នាំ២០១៨ មានករណីគ្រោះថ្នាក់ចរាចរណ៍មួយកើតឡើងរវាងរម៉ូតូ និងម៉ូតូ បើកស្របទិសគ្នាពីជើងទៅត្បូង បណ្ដាលឲ្យមនុស្សចំនួន ០២នាក់ រងរបួស។ ករណីនេះកើតឡើងនៅជិតអាហារដ្ឋានម្លប់ស្បូវ ស្ថិតក្នុងភូមិផ្សារព្រំជើង ឃុំស្ទឹងកាច់ ស្រុកសាលាក្រៅ ខេត្តប៉ៃលិន។
ជនរងគ្រោះទាំង ០២ មានឈ្មោះ៖ទី០១-ឈ្មោះ វ៉ន ចន្នូ ភេទស្រី អាយុ ១៤ឆ្នាំ មុខរបរ សិស្ស បើកម៉ូតូម៉ាក Honda wave សេរីចាស់ គ្មានស្លាកលេខ បត់ចូលផ្ទះ រងរបួសធ្ងន់ ត្រូវបានបញ្ជូនទៅមន្ទីរពេទ្យបង្អែកខេត្តប៉ៃលិនដើម្បីសម្រាកព្យាបាល ទី០២-ឈ្មោះ មាន រាំង ភេទប្រុស អាយុ ១៦ឆ្នាំ មុខរបរ សិស្ស បើកម៉ូតូម៉ាក Honda Dream សេរីឆ្នាំ២០១០ ពាក់ស្លាកលេខ បាត់ដំបង 1M1156 រងរបួស់បួសត្រង់ចិញ្ជើមខាងឆ្វេង ជនរងគ្រោះទាំង ០២នាក់ រស់នៅភូមិឃុំកើតហេតុខាងលើ ។
បច្ចុប្បន្នវត្ថុតាងត្រូវបានយកមករក្សាទុកនៅអធិការដ្ឋាននគរបាលស្រុកសាលាក្រៅ ដើម្បីរង់ចាំដោះស្រាយ៕ ស សារ៉េត
