សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ នារីវ័យក្មេងបម្រើការនៅខារ៉ាអូខេផាត់ធីវើល ម្នាក់ទិញបាយយកទៅឲ្យមិត្តភក្តិ មិនទាន់ទាំងដល់ត្រូវបានជនសង្ស័យពីរនាក់ជិះម៉ូតូមួយគ្រឿងធ្វើសកម្មភាពឆក់កាបូបបានសម្រេចបណ្តាលអូសតាមម៉ូតូរងរបួសក្បាលជង្គង់ទាំងសងខាង ។
ហេតុការណ៍នេះ កើតឡើងកាលពីវេលាម៉ោង២និង៣០នាទីរំលងអធ្រាត្រ ឈានចូលថ្ងៃសុក្រ ២រោច ខែបឋមាសាឍ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី២៩ ខែមិថុនា ឆ្នាំ២០១៨ ស្ថិតនៅខាងក្រោយខារ៉ាអូខេ ផាត់ធីវើល(អតីតខារ៉ាអូខេញ៉ូវស្តារ)តាមបណ្តោយផ្លូវ២៧១ស្ទួន ក្នុងសង្កាត់ទឹកថ្លា ខណ្ឌសែនសុខ រាជធានីភ្នំពេញ ។
ជនរងគ្រោះមានឈ្មោះចែង ចិន្តា ភេទស្រី អាយុ២១ឆ្នាំ មុរបរបុក្គលិកនៅខារ៉ាអូខេ ផាត់ធីវើល ស្នាក់នៅម្តុំផ្សារដើមគរ មានស្រុកកំណើត ស្រុកជីក្រែង ខេត្តរៀមរាប បាត់បង់ព្រទ្យសម្បត្តិនៅក្នុងកាបូបរួមមានលុយចំនួន២៥០ដុល្លារ និងអត្តសញ្ញាណបណ្ណ័១សន្លឹកផងដែរ ។
តាមប្រភពព័ត៌មានពីជនរងគ្រោះបានប្រាប់ឲ្យដឹងថាមុនកើតហេតុរូបគាត់បានចប់ពីម៉ោងការងារ ហើយបានទិញបាយឆាបំណងយកទៅឲ្យមិត្តភក្តិនៅក្បែរកន្លែងកើតហេតុខាងលើលុះទិញបាយបានហើយក៏បានធ្វើដំណើស្មើជើងទិសដៅពីកើតទៅលិចដោយដៃម្ខាងយួរបាយ និងដៃម្ខាងទៀតយួកាបូបលុះដើរមកដល់ចំណុចកើតហេតុខាងលើជិតដល់ផ្ទះមិត្តភក្តិទៅ ហើយស្រាប់តែលេចមុខជនសង្ស័យពីនាក់ជិះម៉ួយគ្រឿងម៉ាកហុងដាឌ្រីមសង់០១៨ មិនចាំស្លាកលេខបានមកពីក្រោយហើយធ្វើសកម្មភាពឆក់កាបូបពីរូបគាត់បានសម្រេចបណ្តាលរូបគាត់ដួលអូសទៅ និងថ្នល់រងរបួសក្បាលជង្គង់ទាំងសងខាង ។ ចំណែកជនសង្ស័យបានជិះគេចខ្លួនបាត់ស្រមោល ។
ក្រោយកើតហេតុជនរងគ្រោះត្រូវបានមិត្តភក្តិបញ្ជូនខ្លួនតាមម៉ូតូកង់បីឥណ្ឌាយកទៅព្យាបាល ដោយខ្លួនឯងដោយមិនរំខានដល់សមត្ថកិច្ច ៕ សុខាសែនជ័យ
