សារព័ត៌មាន នគរវត្ត តែងតែនាំមុខគេជានិច្ច
ខេត្តបន្ទាយមានជ័យ៖ រថយន្តដឹកប្រេងសាំងមួយគ្រឿង កំពុងចរាចរណ៍តាមផ្លូវសុខៗ ស្រាប់តែត្រូវអណ្តាតភ្លើងឆាបឆេះយ៉ាងសន្ធោរសន្ធៅតែម្តង ។ ប៉ុន្តែហេតុការណ៍នេះមិនបង្កឲ្យគ្រោះថ្នាក់មនុស្សឡើយ ។
សេចក្តីរាយការណ៍ឲ្យដឹងថា គ្រោះថ្នាក់នេះបានកើតឡើងនៅវេលាម៉ោងប្រហែល១០ព្រឹក ថ្ងៃអាទិត្យ ១១រោជ ខែបឋមាសាឍ ឆ្នាំច សំរឹទ្ធិស័ក ព.ស. ២៥៦២ ត្រូវនឹងថ្ងៃទី៨ ខែកក្កដា ឆ្នាំ២០១៨ ស្ថិតនៅតាមបណ្តោយផ្លូវជាតិលេខ៥ ភូមិវត្តថ្មី ឃុំភ្នំតូច ស្រុកមង្គលបូរី ខេត្តបន្ទាយមានជ័យ។
នៅក្នុងហេតុការណ៍នេះ រថយន្តបានរងការខូចខាតមួយកំណាត់ខាងក្រោយយ៉ាងដំណំ ប៉ុន្តែមិនបង្កឲ្យមានអ្នករងរបួសនោះទេ។ មិនយូរប៉ុន្មានភ្លើងដែលឆេះរថយន្តបានរលត់ទាំងស្រុងដោយមានការជួយអន្តរាគមន៍ ៕
