សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ នៅវេលាម៉ោង ១២និង៤៥នាទី ថ្ងៃអាទិត្យ ៣កើត ខែទុតិយាសាឍ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី១៥ ខែកក្កដា ឆ្នាំ២០១៨ បានរកឃើញសាកសពជនរងគ្រោះឈ្មោះ ហួត វណ្ណៈ ភេទប្រុស អាយុ៣៥ឆ្នាំ មុខរបរកម្មករនេសាទ មានទីលំនៅក្រុម៣ ភូមិ១ ឃុំកំពេញ ស្រុកស្ទឹងហាវ ខេត្តព្រះសីហនុ ដែលធ្លាក់ពីលើទូកពេលកំពុងនេសាទ កាលពីថ្ងៃទី១២ ខែកក្កដា ឆ្នាំ២០១៨ វេលាម៉ោង ០៦:៤០នាទី នៅចំណុច ដាវលេខ៣៣.៧៥ ខាងក្រៅកោះដូង ស្ថិតនៅចំណុចភូមិ៤ ឃុំកំពេញ ស្រុកស្ទឹងហាវ ខេត្តព្រះសីហនុ។សាកសពត្រូវបានក្រុមគ្រួសារយកទៅធ្វើបុណ្យតាមប្រពៃណី ។
គួរបញ្ជាក់ថា នៅត្រង់ ចំណុច ដាវលេខ៣៣.៧៥០ខាងក្រៅកោះដូង មានកម្មករ នេសាទម្នាក់បានរអិលជើងធ្លាក់ពីលើទូកចូលក្នុងសមុទ្រនៅពេលដែលមានខ្យល់ព្យុះបោកបក់ខ្លាំងៗ និងមានរលកធំៗ។ នគរបាលថា ជនរងគ្រោះឈ្មោះ ហួត វណ្ណៈ ភេទប្រុស អាយុ៣៥ឆ្នាំមុខរបរកម្មករទូកនេសាទ ។ បច្ចុប្បន្នមានទីលំនៅក្រុមទី០៣ ភូមិ១ ឃុំកំពេញ ស្រុកស្ទឹងហាវ ខេត្តព្រះសីហនុ ។
លោក នាក់ ភឿ ដែលជាម្ចាស់ទូកបានឲ្យ ដឹងថា ជនរងគ្រោះបានរអិលជើងដួល ពេលមានព្យុះបក់រលកធំៗ បណ្តាលឲ្យធ្លាក់ចូល ក្នុងសមុទ្ររកមិនឃើញ ៕ ឆ្លាម សមុទ្រ
