សារព័ត៌មាន នគរវត្ត តែងតែនាំមុខគេជានិច្ច
ភ្នំពញ៖ មនុស្សចំនួន២នាក់ត្រូវបានរងរបួសធ្ងន់ត្រូវបានបញ្ជូនទៅសង្គ្រោះនៅមន្ទីរពេទ្យភ្លាមៗ ខណៈពួកពោះពួយម៉ូតូទៅបុកគ្នាពេញហឹង ។
ហេតុការណ៍នេះបានកើតឡើងកាលពីវេលាម៉ោង១២ថ្ងៃត្រង់ ថ្ងៃសុក្រ ៨កើត ខែទុតិយាសាឍ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី២០ ខែកក្កដា ឆ្នាំ២០១៨ នៅចំណុចជិតរង្វង់មូលចោមចៅ តាមបណ្តោយមហាវិថីសហព័ន្ធរុស្ស៊ី ស្ថិតក្នុងសង្កាត់ចោមចៅទី៣ ខណ្ឌពោធិ៍សែនជ័យ ។
តាមសាក្សីនៅកន្លែងកើតហេតុបានឲ្យដឹងថា មុនពេលកើតហេតុគេបានឃើញម៉ូតូម៉ាកហុងដាឌ្រីមសង់ ស៊េរីឆ្នាំ២០១០ ពណ៌ខ្មៅពាក់ស្លាកលេខភ្នំពេញ1D 8209 បើកបរដោយបុរសម្នាក់ធ្វើដំណើរតាមបណ្តោយផ្លូវមហាវិថីសហព័ន្ធរុស្ស៊ីក្នុងទិសដៅពីតើតទៅលិច ខណៈមកដល់ចំណុចកើតហេតុស្រាប់តែមានម៉ូតូម៉ាកហុងដាឌ្រីមសង់ សេរីឆ្នាំ២០១៣ ពណ៌ខ្មៅ ពាក់ស្លាកលេខបាត់ដំបង 1V 8871 បើកបរដោយបុរសម្នាក់ធ្វើដំណើរបញ្ច្រាសទិសចរាចរណ៍ឆ្លងផ្លូវមក ក៏ចាប់ហ្វ្រាំងមិនទាន់បុកគ្នាពេញទំហឹងតែម្តង បណ្តាលឲ្យភាគីខាងម៉ូតូឆ្លងផ្លូវរបួសបាក់ជើងខាងឆ្វេងចំណែកភាគីម្ខាងទៀតរងរបួសធ្ងន់ ។
ក្រោយពេលកើតហេតុជនរងគ្រោះត្រូវបានបញ្ជូនទៅសង្គ្រោះនៅមន្ទីរពេទ្យភ្លាមៗ ចំណែកម៉ូតូត្រូវបាននគរបាលវាស់វែងយកទៅរក្សាទុកនៅអធិការដ្ឋាននគរបាលខណ្ឌពោធិ៍សែនជ័យ រង់ចាំដោះស្រាយពេលក្រោយ ៕ សុខាសែនជ័យ
