ទំនប់សណ្តរស្ទឹងព្រែកត្នោតត្រូវបានធានាសុវត្ថិភាព

ភ្នំពេញ៖ ទំនប់សណ្តរស្ទឹងព្រែកត្នោត​ត្រូវបានធានាសុវត្ថិភាពហើយ បន្ទាប់ពីរដ្ឋមន្ត្រីក្រសួងធនធានទឹក និងឧតុនិយមនៃកម្ពុជា​បានដឹកនាំកម្លាំងចុះអន្តរាគមន៍ដោយមិនគិតពីការនឿយហត់ ថ្ងៃឬយប់នោះទេ។

មន្ត្រីក្រសួងធនធានទឹក និងឧតុនិយម​បានថ្លែងប្រាប់យ៉ាងដូច្នេះថា៖

«មកដល់ម៉ោង ១ រំលងអាធ្រាត្រ ឈានចូលថ្ងៃទី ២២ ខែកក្កដា ឆ្នាំ ២០១៨ នេះ ទំនប់សណ្តរស្ទឺងព្រែកត្នោត ត្រង់ចំណុចសង្កាត់ទៀន ខណ្ឌដង្កោ រាជធានីភ្នំពេញ ត្រូវបានធានាសុវត្ថិភាព ។ ឯកឧត្តម លឹម គានហោ រដ្ឋមន្ត្រីក្រសួងធនធានទឹក និងឧតុនិយម កំពុងដឹកនាំកម្លាំង ទប់ទល់នឹងការហូរច្រោះទំនប់សណ្តរស្ទឹងយ៉ាងមានប្រសិទ្ធភាព» ៕