សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង៖ មានហេតុការណ៍គ្រោះថ្នាក់ចរាចរណ៍គួរឲ្យរន្ធត់បណ្ដាលឲ្យសត្វក្របីងាប់ និងមនុស្សម្នាក់ស្លាប់ ខណៈដែលយុវជនម្នាក់ជិះម៉ូតូក្នុងល្បឿនលឿន ទំនងស្រវឹងស្រាទៅ បុក និងសត្វក្របីមួយក្បាលយ៉ាងពេញទំហឹងលាន់សូដូចរន្ទះបាញ់បង្កការភ្ញាក់ផ្អើលដល់អ្នកភូមិ កាលពីវេលា ម៉ោង៧យប់ថ្ងៃទី២៤ ខែកក្កដា ឆ្នាំ២០១៨ ស្ថិតក្នុងភូមិព្រៃស្ទៀង ឃុំស្វាយតាយាន ស្រុកកំពង់រោទ៌ ខេត្តស្វាយរៀង ។
សមត្ថកិច្ចនគរបាលស្រុកបានឲ្យដឹងថា បុរសរងគ្រោះមានឈ្មោះ សំ រស់មុខរបរសិស្សអាយុ១៧ឆ្នាំរស់នៅភូមិព្រៃស្ទៀង ឃុំស្វាយតាយាន ស្រុកកំពង់ រោទ៌ ខេត្តស្វាយរៀង ខណៈជិះម៉ូតូម៉ាកហុងដាសង់សេរី២០១៦ ពណ៏ខ្មៅមួយគ្រឿងខូចខាតទាំងស្រុង ។
ចំណែកឯមេក្របីញីធំមួយក្បាលក្រោយកើតហេតុបានងាប់ភ្លាមៗដោយមិនត្រូវបានស្គាល់ឈ្មោះម្ចាស់នៅឡើយដោយមិនហ៊ានចេញមុខមកដោះស្រាយតាមច្បាប់អ្វីនោះទេ ។
យោងតាមអ្នកភូមិបានឲ្យដឹងថា នៅមុនពេលកើតហេតុ គេឃើញយុវជនម្នាក់បានជិះម៉ូតូមួយគ្រឿងក្នុងល្បឿនលឿនទំនងស្រវឹងស្រាដោយធ្វើដំណើរ ពីជើងទៅត្បូងលុះមកដល់ចំណុចកើតហេតុ ខាងលើស្រាប់តែមានសត្វក្របីមួយហ្វូង កំពុងដើរតាមផ្លូវ ណាមួយប្រើប្រាស់ ល្បឿនលឿន ចាប់ហ្វ្រាំងមិនទាន់ក៏បុកក្របីមេមួយក្បាលក្នុងចំណោមជាច្រើនយ៉ាងពេញទំហឹងលាន់សូដូចរន្ទះបណ្ដាលឲ្យមនុស្សស្លាប់ភ្លាមៗចំណែកសត្វក្របីបានងាប់នៅ និងកន្លែងបង្កការភ្ញាក់ផ្អើលដល់អ្នកភូមិរាយការណ៍មកសមត្ថកិច្ចមូលដ្ឋាន និងរាយការណ៍មកគ្រូពេទ្យមកសង្គ្រោះផងដែរ ។
បច្ចុប្បន្នសាកសពជនរងគ្រោះត្រូវបានសមត្ថកិច្ចប្រគល់ទៅឲ្យក្រុមគ្រួសារ យកទៅធ្វើបុណ្យ តាមប្រពៃណី និងវាស់វែង និងអូសយកវត្ថុតាងម៉ូតូ និងសត្វក្របីទៅកាន់ប៉ុស្តិ៍រដ្ឋបាលឃុំស្វាយតាយានដើម្បីដោះស្រាយតាមច្បាប់ ៕ យឹម សុថាន
