សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់ទំនងជាស្រវឹងស្រាបើករថយន្តមួយគ្រឿង ក្នុងល្បឿនលឿនបានគេចពីរថយន្តក្រឡុកសុីម៉ងត៍នៅខាងមុខរេចង្កូតឡើងលើសួនចែកទ្រូវផ្លូវ បុកបង្គូលភ្លើងបាក់អស់មួយដើមរថយន្តបង្កវិលមួយជុំក្បាល ត្រឡប់ក្រោយវិញទៅមុខលេងរួចសំណាងល្អម្ចាស់រងរបួសស្រាល ។
ហេតយការណ៍នេះកើតឡើងកាលពីវេលាម៉ោង៨និង៤០នាទីយប់ ថ្ងៃព្រហស្បតិ៍ ១៤កើត ខែទុតិយាសាឍ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី២៦ ខែកក្កដា ឆ្នាំ២០១៨ ស្ថិតនៅចំណុចផ្លូវចូលវត្តឃ្មួញ តាមបណ្តោយផ្លូវភ្នំពេញ ហាណូយ ក្នុងភូមិបន្លាស្អិត សង្កាត់ឃ្មួញ ខណ្ឌសែនសុខ រាជធានីភ្នំពេញ ។
តាមប្រភពព័ត៌មានពីកន្លែងកើតហេតុបានឲ្យដឹងថា មុនកើតហេត គេឃើញបុរសម្នាក់ទំនងជាស្រវឹងស្រាបើករថយន្តមួយគ្រឿងម៉ាកហុីយ៉ាន់ដាយស្តារិចពណ៌ទឹកប្រាក់គ្នានស្លាកលេខធ្វើដំណើរទិសដៅពីត្បូងទៅជើងក្នុងល្បឿនយ៉ាងលឿនលុះមកដល់ចំណុចកើតហេតុខាងលើបានគេចពីរថយន្តក្រឡុកសុីម៉ង់ត៍មួយគ្រឿងបើកនៅខាងមុខមកខាងឆ្វេងដៃឡើងទៅលើសួនចែកទ្រូងផ្លូវជ្រុលទៅបុកបង្គូលភ្លើងបំភ្លឺផ្លូវបាក់អស់មួយដើមរថយន្តបង្កវិលមួយជុំក្បាលត្រឡប់ក្រោយវិញទៅមុខលេងរួច ។ តែសំណាងល្អម្ចាស់រងតបួសស្រាល ។ ចំណែករថយន្តបង្កខូចខាតផ្នែកខាងមុខចំហៀងខាងស្តាំយ៉ាងដំណំ ។
ក្រោយកើតហេតុសមត្ថកិច្ចមូលដ្ឋានបានចុះមកដល់បានទំនាក់ទំនងទៅសមត្ថកិច្ចជំនាញចុះមកវាស់វែងយករថយន្តទៅរក្សាទុកនៅការិយាល័យចរាចរណ៍ផ្លូវគោក រាជធានីភ្នំពេញរង់ចាំដោះស្រាយគ្នាទៅតាមផ្លូវច្បាប់ ៕ សុខាសែនជ័យ
