សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ មន្ត្រីទទួលបន្ទុកកិច្ចការធនធានទឹក និងឧតុនិយមកម្ពុជា បានជួបពិភាក្សាជាមួយទីប្រឹក្សាក្រសួងធនធានទឹក លើការងារមួយចំនួន ដូចជាការរីកចម្រើន, ឥទ្ធិពលថវិកា ក៏ដូចបញ្ហាប្រឈមផងដែរ ។
មន្ត្រីក្រសួងធនធានទឹក ដែលចូលរួមកិច្ចប្រជុំប្រព្រឹត្តឡើងកាលពីរសៀលថ្ងៃសុក្រ ៧រោច ខែទុតិយាសាឍ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី៣ ខែសីហា ឆ្នាំ ២០១៨ បានបញ្ជាក់ប្រាប់យ៉ាងដូច្នេះថា លោក ថោ ជេដ្ឋា រដ្ឋលេខាធិការ ក្រសួងធនធានទឹក និងឧតុនិយម បានជួបពិភាក្សាជាមួយ លោក John Douglas Flanders ទីប្រឹក្សាក្រសួង រួមទាំងក្រុមការងារមួយចំនួនទៀតផងដែរ ។
មន្ត្រីដដែលបានបន្តថា ជំនួបពិភាក្សានេះទាក់ទងលើការងារ៖ ការរីកចម្រើននៃការកែទម្រង់គោលនយោបាយកិច្ចដំណើរការថែទាំ និងកែលម្អប្រព័ន្ធធារាសាស្ត្រ (O&M) និងគោលនយោបាយ និងការអនុវត្តសេចក្តីណែនាំដើម្បីឲ្យសហគមន៍កសិករប្រើប្រាស់ទឹកមាននិរន្តរភាព, ឥទ្ធិពលថវិកា (O&M) ដែលចាប់ផ្តើមមានសម្រាប់ការពង្រឹង (O&M) និងសហគមន៍កសិករប្រើប្រាស់ទឹក មុនឆ្នាំ២០១៥ នៅពេលដែលធ្វើការកែទម្រង់ និងបញ្ហាប្រឈម (O&M) និងសហគមន៍កសិករប្រើប្រាស់ទឹក នាពេលបច្ចុប្បន្ន និងអនាគត ដែលយើងជឿថា ត្រូវតែចាត់វិធានការជាបន្ទាន់ផងដែរ ៕
