សារព័ត៌មាន នគរវត្ត តែងតែនាំមុខគេជានិច្ច
ខេត្តបាត់ដំបង៖ បុរសម្នាក់សង្ស័យស្រវឹងស្រា បានជិះម៉ូតូធ្លាក់ចូលលូទឹកស្អុយបណ្តាលឱ្យស្លាប់យ៉ាងអាណោចអាធ័ម។
សមត្ថកិច្ចបានឱ្យដឹងថាហេតុការណ៍គួរឱ្យភ្ញាក់ផ្អើលនេះបានកើតឡើងនៅវេលាម៉ោង ៦៖៣០នាទី ថ្ងៃសៅរ៍ ៨រោច ខែទុតិយាសាឍ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី៤ ខែសីហា ឆ្នាំ២០១៨ នៅចំណុចប្រឡាយទឹកមួយកន្លែង ស្ថិតក្នុងភូមិចំការសំរោង២ សង្កាត់ចំការសំរោង ក្រុងបាត់ដំបង។
សពជនរងគ្រោះត្រូវបានគេស្គាល់ឈ្មោះ ជឿត យ៉ាត ភេទប្រុស អាយុ៣០ឆ្នាំ មានទីលំនៅភូមិប៉ោយស្នួល ឃុំប៉ោយចារ ស្រុកភ្នំស្រុក ខេត្តបន្ទាយមានជ័យ គឺសង្ស័យស្រវឹងស្រាបានជិះម៉ូតូម៉ាកវ៉េវ ពណ៌ក្រហម ពាក់ផ៦លេខ បន្ទាយមានជ័យ១D៤១២៧ធ្លាក់ចូលប្រឡាយលូទឹកស្អុយបណ្តាលឱ្យស្លាប់យ៉ាងអាណោចអាធ័មតែម្តង។
សពជនរងគ្រោះក្រោយពេលកើតហេតុត្រូវបានក្រុមមន្ត្រីជំនាញចុះធ្វើកោសល្យវិច័យ និងបានប្រគល់ឱ្យក្រុមគ្រួសារយកទៅធ្វើបុណ្យតាមប្រពៃណី ៕ ចេស្តា
