សារព័ត៌មាន នគរវត្ត តែងតែនាំមុខគេជានិច្ច
កោះកុង៖ ថ្ងៃអាទិត្យទី០៥ ខែសីហា វេលាម៉ោង២២៖១៥នាទី មានករណីគ្រោះថ្នាក់ចរាចរមួយ គឺរថយន្តបុកម៉ូតូ កេីតឡេីងនៅចំណុចប៉ាណូរង្វង់មូលអេស៊ីលីដាស្ថិតក្នុងភូមិ១ សង្កាត់ស្មាច់មានជ័យ បណ្តាលឱ្យនារីម៉ាស្សាពីរនាក់ស្លាប់ និង នារីម្នាក់ទៀតរងរបួស ។
សមត្ថកិច្ច បញ្ជាក់ថា ជនរងគ្រោះឈ្មោះស៊ិន ពៅ ភេទស្រី អាយុ២៨ឆ្នាំ ទីលំនៅបច្ចុប្បន្នភូមិ១ សង្កាត់ស្មាច់មានជ័យមុខរបរម៉ាស្សា ស្លាប់ពេលដល់មន្ទីរពេទ្យ ។ ឈ្មោះស៊ីន ពុំ ភេទស្រី អាយុ២៤ឆ្នាំ ទីលំនៅបច្ចុប្បន្នភូមិ១ សង្កាត់ស្មាច់មានជ័យ មុខរបរម៉ាស្សា រងរបួស ។ ឈ្មោះស៊ិន ពេជ្យ ភេទស្រី អាយុ១៩ឆ្នាំ ទីលំនៅបច្ចុប្បន្នភូមិ១ សង្កាត់ស្មាច់មានជ័យ មុខរបរម៉ាស្សា ស្លាប់ពេលដល់មន្ទីរពេទ្យ ។ សាកសពទាំងពីរត្រូវបានសាច់ញាតិដាក់តម្កល់នៅមន្ទីរពេទ្យខេត្ត។
អ្នកឃើញហេតុការណ៍ បញ្ជាក់ថា រថយន្តពណ៌ខ្មៅ មិនស្គាល់ម៉ាកបេីកតាមផ្លូវមុខសាលាខេត្តសំដៅទៅខាងផ្ទះក្រហមលឿនណាស់ បុកម៉ូតូមួយគ្រឿង ធ្វើឱ្យមានអ្នកស្លាប់និងរបួសតែម្ដង ៕ សហការី
