ឆក់កាបូបមិនបានសម្រេចបណ្តាលឲ្យមួយគ្រួសាររងរបួសធ្ងន់ស្រាលប្រុសស្រី៣នាក់

ភ្នំពេញ៖ ក្រុមគ្រួសារប្តីប្រពន្ធ និងកូនប្រុសតូចម្នាក់ ជិះម៉ូតូមួយគ្រឿចេញពីផ្ទះបងប្អូនត្រូវសង្ស័យពីរនាក់ ជិះម៉ូតូមួយគ្រឿងធ្វើសកម្មភាពឆក់កាបូបស្ពាយកូនសំរាប់ទៅរៀនរាល់ថ្ងៃមិនបានសម្រេចបណ្តាលឲ្យដួលបោក និងរងរបួសប្តីធ្ងន់ចំណែកប្រពន្ធ និងកូនរងរបួសបែកមុខមាត់ និងរលាត់ដៃជើង ។

ហេតុការណ៍នេះកើតឡើងកាលពីវេលាម៉ោង១០ និង៥០នាទីយប់ ថ្ងៃទី៧ ខែសីហា ឆ្នាំ២០១៨ស្ថិតនៅចំណុចលើស្ពានអាកាសសង់ថ្មីផ្សារដីហុយ តាមបណ្តោយផ្លូវសហពន្ធ័រុស្សី ក្នុងសង្កាត់ទឹកថ្លា ខណ្ឌសែនសុខ រាជធានីភ្នំពេញ ។

ជនរងគ្រោះប្តីមានឈ្មោះសេង វណ្ណះ ភេទប្រុស អាយុ៤៥ឆ្នាំ មុខរបរមន្ត្រីប៉ូសីស(រងរបួសធ្ងន់) ស្នាក់នៅ ផ្លូវកម្ពុជាក្រោម ក្នុងសង្កាត់មិត្តភាព ខណ្ឌ៧មករា ។

តាមប្រភពព័ត៌មានពីស្រ្តីជាប្រពន្ធបានឲ្យដឹងថា មុនកើតហេតុគ្រួសាររបស់គាត់មានគ្នាប្រុសស្រី៣នាក់ជិះម៉ូតូមួយគ្រឿងម៉ាក់ហុងដាឌ្រីនសង់ស៊េរី០១៣ពណ៏ពាក់ស្លាកលេខស្វាយវៀង1B-2473ទើប និងចេញពីផ្ទះបងប្អូននៅម្តុំមន្ទីពេទ្យកូរ៉េនៅម្តុំពោធិចិនតុង ខណ្ឌពោធិសែនជ័យ បានធ្វើដំណើតាមបណ្តោយផ្លូវសហពន្ធ័រុស្សីទិសដៅពីលិចទៅកើតបំណងត្រឡប់ទៅផ្ទះលុះមកចំណុចកើតហេតុខាងលើមិនទាន់ដល់ផ្ទះផងស្រាប់តែលេចមុខជនសង្ស័យពីនាក់ជិះម៉ូតូមួយគ្រឿងមិនចាំម៉ាកបានមកពីក្រោយរួចធ្វើសកម្មភាពឆក់កាបូបស្ពាយដែលកូនគាត់សំរាប់ស្ពាយទៅរៀនរាល់ថ្ងៃដាក់នៅក្នុងកំព្រងនៅរានម៉ូតូខាងមុខមិនសម្រេចរួចប្តីរបស់គាត់ឃើញបានលើកជើងធាក់មួយជើងបណ្តាលដួលម៉ូតូខ្លួនឯងបោក និងថ្នល់រងរបួសប្តីធ្ងន់ត្រូវបានរថយន្តសង្គ្រោះក្លីនីកមហានគរដឹកយកទៅសង្គ្រោះភ្លាមៗចំណែកគាត់ជាប្រពន្ធ និងកូនប្រុសតូចរងរបួសបែកមុខ និងរលាត់ដៃជើង ។ រីឯជនសង្ស័យនាំគ្នាជិះម៉ូតូគរចខ្លួនបាត់ស្រមោល ។

ក្រោយកើតសមត្ថកិច្ចមូលដ្ឋានបានចុះមកដល់បានយកម៉ូតូជនរងគ្រោះទៅរក្សាទុកនៅប៉ុស្តិ៍នគរបាលរដ្ឋបាលសង្កាត់ទឹកថ្លារង់ចាំសាច់ញាតិយកឯកសារមកផ្ទៀងផ្ទាត់ដើម្បីយកត្រឡប់ទៅផ្ទះវិញ៕ សុខាសែនជ័យ