សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ស្ត្រីម្នាក់សុំមិនបញ្ចេញឈ្មោះបានមកដាក់ពាក្យបណ្តឹងនៅប៉ុស្តិ៍នគរបាលទឹកថ្លាក្រោយពីក្រុមចោរឆក់កាបូបបានសម្រេចយកសម្ភារ និងប្រាក់អស់ជិត១ពាន់ដុល្លារ ។ ករណីនេះបានកើតឡើងកាលពីថ្ងៃទី៧ ខែសីហា ឆ្នាំ២០១៨ នៅខាងកើតស្ពានអាកាសផ្សារដីហុយ ក្នុងសង្កាត់ទឹកថ្លា ខណ្ឌសែនសុខ រាជធានីភ្នំពេញ ។
ស្ត្រីរងគ្រោះសុំមិនបញ្ចេញឈ្មោះបានឲ្យដឹងថា មុនពេលកើតរូបគាត់បានជិះម៉ូតូមួយគ្រឿងតែម្នាក់ឯងមកពីផ្ទះមិត្តភក្តិ ដោយធ្វើដំណើរតាមបណ្តោយផ្លូវសហព័ន្ធរុស្សី ក្នុងទិដៅពីកើតទៅលិច លុះមកដល់ចំណុចជិតស្ពានអាកាសផ្សារដីហុយចំណុចកើតហេតុខាងលើ ស្រាប់តែមានជនសង្ស័យជិះម៉ូតូ១គ្រឿងមិនចាំម៉ាកមកពីក្រោយ ហើយ ក៏ធ្វើសកម្មភាពឆក់កាបូបស្ពាយរបស់គាត់ហើយជិះគេចខ្លួនដោយសុវត្ថភាពតែម្តង ។ ស្ត្រីរងគ្រោះបន្តថា ភ្លាមៗនោះគាត់មិនបានមកដាក់ពាក្យបណ្តឹងទេ ព្រោះជាប់រវល់ជួយកម្មវិធីឡើងផ្ទះរបស់មិត្តភក្តិ លុះដល់ថ្ងៃទី៩ ខែសីហា ឆ្នាំ២០១៨ ទើបគាត់មកដាក់ពាក្យបណ្តឹងនៅប៉ុស្តិ៍នគរបាលទឹកថ្លា ។
ស្ត្រីរងគ្រោះបានឲ្យដឹងទៀតថា សម្ភារដែលបាត់បង់មានទូរស័ព្ទដៃ១គ្រឿង តម្លៃ៧០០ដុល្លារ ចិញ្ចៀន១វង់ ប្រាក់មួយចំនួន និងសម្ភារមួយចំនួនសរុបជាប្រាក់អស់ជិត១ពាន់ដុល្លារ ៕ តុង សីហា
