សារព័ត៌មាន នគរវត្ត តែងតែនាំមុខគេជានិច្ច
ប៉ោយប៉ែត៖ អគ្គិភ័យបានឆាបឆេះតូបក្នុងផ្សាររុងក្លឿ ស្រុកអារញ្ញ ប្រទេសថៃ ដែលមានឈមជាមួយប្រទេសកម្ពុជា ក្រុងប៉ោយប៉ែតផងដែរ កាលពីវេលាម៉ោង៦និង៣០នាទី ល្ងាចថ្ងៃទី១៨ ខែសីហា ឆ្នាំ២០១៨ ។
នៅពេលភ្លាមៗនេះ គេនៅមិនទាន់ដឹងពីមូលហេតុបណ្តាលឲ្យអគ្គិភ័យកើតឡើងនៅឡើយទេ ហើយទំហំនៃការខូចខាត ក៏មិនទាន់ច្បាស់លាស់ផងដែរ ខណៈសមត្ថកិច្ចជំនាញ ក៏ដូចប្រជាពលរដ្ឋនៅក្បែរខាងនាំគ្នាអន្តរាគមន៍តាមដែលអាចធ្វើទៅបាន កុំឲ្យអគ្គិភ័យនេះឆេះរាលដាលទ្រង់ទ្រាយធំ ។
គួរបញ្ជាក់ថា ផ្សាររុងក្លឿ ក្នុងទឹកដីប្រទេសថៃក៏ពិតមែន ប៉ុន្តែអាជីវករកម្ពុជាយើងទៅរកទទួលទាននៅក្នុងផ្សារនេះមានច្រើនស្អេកស្កះណែនណាន់តាន់តាប់ ហើយអគ្គិភ័យនេះ មិនអាចគេចផុតបានឡើយពីការខូចខាតទ្រព្យសម្បត្តិអាជីវកររបស់កម្ពុជាយើង ៕ វណ្ណា
