សារព័ត៌មាន នគរវត្ត តែងតែនាំមុខគេជានិច្ច
ភ្នំពេញៈ ក្រសួងអប់រំ យុវជន និងកីឡាបានបញ្ជាក់ថា ខណៈដែលដំណើរការប្រឡងបាក់ឌុបកំពុងប្រព្រឹត្តទៅ បេក្ខជន បេក្ខនារីចូលរួមប្រឡងខ្លះ មានអការវិលមុខ ខ្យល់គរ ក្អួតជាដើមនៅតាមមណ្ឌលមួយចំនួន ត្រូវបានក្រុមគ្រូពេទ្យប្រចាំការតាមមណ្ឌលប្រឡងសង្គ្រោះបឋម ។
ប្រភពបានឲ្យដឹងយ៉ាងដូច្នេះថា «ស្ថានភាពបេក្ខជនប្រឡងនៅតាមមណ្ឌលមួយចំនួនមានបញ្ហាសុខភាព ក្នុងអំឡុងពេលនៃដំណើរការសំណេរប្រឡងសញ្ញាបត្រមធ្យមសិក្សាទុតិយភូមិ សម័យប្រឡង៖ ២០ សីហា ២០១៨ ដោយសារមានអាការៈវិលមុខ ខ្យល់គរ ក្អួត ជាដើម។ ក្នុងនោះ បេក្ខជនខ្លះ បានបន្តការប្រឡងឡើងវិញ បន្ទាប់ពីមានអាការៈធូរស្រាលក្រោយទទួលបានជំនួយ សង្គ្រោះបឋម ពីក្រុមគ្រូពេទ្យប្រចាំការនៅតាមមណ្ឌលនោះ» ។
នៅកំពង់ស្ពឺ មានបេក្ខជនសន្លប់ កំពុងទទួលការសង្គ្រោះបឋមពីក្រុមគ្រូពេទ្យប្រចាំការ។
នៅក្រចេះ មានបេក្ខជនប្រឡងនៃមណ្ឌលវិទ្យាល័យក្រុងក្រចេះខាងកើត មានអការស្លេកស្លាំងខ្លាំង ត្រូវបានជួយសង្គ្រោះដោយបញ្ចូនទៅមន្ទីរពេទ្យខេត្តក្រចេះ។
ចំណែករាជធានីភ្នំពេញវិញ មានបេក្ខជនមានអការចុកពោះខ្លាំង ក្រុមគ្រូពេទ្យបានឲ្យថ្នាំ ហើយលោកគ្រូក៏បានឲ្យបាយ និង ចេកដើម្បីបរិភោគ។ ដោយអការៈមិនបានធូរស្បើយ លោកប្រធានមណ្ឌលបានអនុញ្ញាតឲ្យបេក្ខជនប្រលងនៅក្រៅបន្ទប់ ដោយមានអនុរក្សឈ្មោះត្រួតពិនិត្យ៕
