សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ នៅវេលាម៉ោង១២ និង១០នាទីថ្ងៃទី២០ ខែសីហា ឆ្នាំ២០១៧ នៅចន្លោះគីឡូម៉ែត្រ ១៥៦-១៥៧ ស្ថិតនៅភូមិអូរតាហយ ឃុំស្ទឹងឆាយ ស្រុកកំពង់សីលា ខេត្តព្រះសីហនុ មានគ្រោះថ្នាក់ចរាចរណ៍មួយកើតឡើង រវាងរថយន្តហាយឡែនដឺ ពណ៌ស្ករ មានទិសដៅពីខេត្តព្រះសីហនុទៅភ្នំពេញ ពាក់ស្លាកលេខ ព្រះសីហនុ 2B- 8886 អ្នកបើកបរ(រត់គេចបាត់) បានបុកនឹងម៉ូតូ០១គ្រឿង ម៉ាកវ៉េវ ពណ៌ក្រហម បើកបរ ដោយឈ្មោះ នូ ទូច ភេទ ស្រី មានទីលំនៅភូមិកើតហេតុខាងលើ ហើយជនរងគ្រោះបានខ្ទាតចូលទៅក្រោមរថយន្តមួយគ្រឿងទៀតម៉ាកហុីយ៉ាន់ដាយពណ៌ខៀវទ្រុងពណ៌ស ដឹកខ្សាច់មានទិសដៅបញ្ច្រាសទិសគ្នា ពាក់ស្លាកលេខ ភ្នំពេញ 3-E 2010 អ្នកបើកបរ(រត់គេចបាត់)បណ្តាលអោយអ្នកបើកបរម៉ូតូស្លាប់នៅនឹងកន្លែង ។
ចំពោះមុខកម្លាំងអាវុធហត្ថស្នាក់ការសន្តិសុខ ៤០២ សហការជាមួយកម្លាំងរបស់អធិការដ្ឋាននគរបាលស្រុកកំពង់សីលា ការពារកន្លែងកើតហេតុជួយ និងជួយសំរួលចរាចរណ៍ ។ រីឯសាកសពបានប្រគល់ អោយក្រុមគ្រួសារយកទៅធ្វើបុណ្យតាមប្រពៃណី ចំណែកវត្ថុតាងរថយន្ត និងម៉ូតូ ត្រូវបានយកទៅរក្សាទុកនៅអធិការដ្ឋាននគរបាលស្រុកកំពង់សីលាចាត់ការតាមនីតិវិធី ៕ ឆ្លាម សមុទ្រ
