សារព័ត៌មាន នគរវត្ត តែងតែនាំមុខគេជានិច្ច
យោងតាមសមត្ថកិច្ចនគរបាលស្រុកចន្ទ្រា បានឲ្យកាសែតនគរវត្តដឹងថា បុរសដែលសង្ស័យចងកសម្លាប់ខ្លួនមានឈ្មោះ លីន ម៉ារ៉ា អាយុ៣៨ឆ្នាំ មុខរបរកសិករ មានទីលំនៅ ភូមិចំការលាវ ឃុំព្រៃគគីរ ស្រុកចន្រ្ទាខេត្តស្វាយរៀង ។
ប្រភពបន្តថា ក្រោយពីទទួលបានព័ត៌មានពីអាជ្ញាធរមូលដ្ឋានភ្លាម សមត្ថកិច្ចនគរបាលស្រុកនគរបាលជំនាញ និងគ្រូពេទ្យបានចុះមកពិនិត្យសាកសពជាច្រើនម៉ោងទើបដឹងថា ស្លាប់ដោយចងកពិតប្រាកដមែន ខណៈយកខ្សែចងគោពណ៌ខ្មៅ ចងភ្ជាប់ក្រោមដើមព្រីង ចម្ងាយយខាងក្រោយផ្ទះប្រមាណជិត១០០ម៉ែត្រមុនមានស្លាកស្នាមជាអំពើឃាតកម្មអ្វីនោះទេ ។
តាមក្រុមគ្រួសារបានរៀបរាប់ទាំងទឹកភ្នែកថាប្ដីគាត់គឺមានជំងឺយូរឆ្នាំមកហើយ (សរសៃប្រសាទ)ដោយព្យាបាលមិនធូរស្រាលសោះ ខណៈបានយកទៅព្យាបាលនៅមន្ទីពេទ្យផងដែរ ។
ប្រភពបន្តថា នៅថ្ងៃកើតហេតុបាត់ប្ដីមិនឃើញនៅផ្ទះដូចសព្វដង ក៏ដើររកគ្រប់ទីកន្លែងប្រមាណជាកន្លះម៉ោងស្រាប់តែមានការភ្ញាក់ផ្អើលពីក្មេងៗ ឃ្វាលក្របីប្រទះឃើញចងកក្រោមដើមព្រីង ទើបលឹដល់ក្រុមគ្រួសារប្រញាប់រត់ទៅមើលតែម្ដង ។
ក្រោយពីបានពិនិត្យរួចសមត្ថកិច្ចបានប្រគល់ទៅឲ្យក្រុមគ្រួសារយកមកធ្វើបុណ្យតាមប្រពៃណី ៕ យឹម សុថាន
