សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ នៅវេលាម៉ោង១៦.៣៥នាទីថ្ងៃទី៣០ ខែសីហា ឆ្នាំ២០១៨ ចន្លោះគីឡូម៉ែត្រ១២៥.១២៦ ស្ថិតក្នុងភូមិក្រាំងអាត់ ឃុំកំពង់សីលា ស្រុកកំពង់សីលា ខេត្តព្រះសីហនុ មានគ្រោះថ្នាក់ចរាចរណ៍មួយកើតឡើងរវាងរថយន្តនិងម៉ូតូមានទិសដៅស្របគ្នា(ព្រះសីហនុ.ភ្នំពេញ) រថយន្តកុងទីន័រម៉ាកហុីណូ ស្លាកលេខ កំពង់ស្ពឺ ៣A១២៣៨ ពណ៌ស ឆ្នូតបៃតង (អ្នកបើកបរបានរត់គេចខ្លួនបាត់) បានបុកជាមួយម៉ូតូម៉ាកវេវ អាល់ហ្វា ពណ៌ខ្មៅ ស្លាកលេខព្រះសីហនុ ១E២៦៨៦ បើកបរដោយឈ្មោះ មាស ញើញ ភេទប្រុស អាយុ៤៩ឆ្នាំ មុខរបរយោធា អង្គភាពវរៈសេនាតូច៣១៤ បញ្ជាការដ្ឋានការពារកោះឆ្នេរ មានទីលំនៅភូមិចាំស្រី ឃុំកំពង់សីលា ស្រុកកំពង់សីលា ខេត្តព្រះសីហនុ រងរបួសធ្ងន់បាក់ជើងខាងស្តាំ ត្រូវបានកម្លាំងកងរាជអាវុធហត្ថជួយសង្រ្គោះយកមកមណ្ឌលសុខភាពតក្កវិទកំពង់សីលា ។
ចំណែករថយន្តនិងម៉ូតូត្រូវបានយកមករក្សាទុកនៅអធិការដ្ឋាននគរបាលស្រុកកំពង់សីលាដើម្បីរង់ចាំការដោះស្រាយទៅតាមនីតិវិធី ៕ឆ្លាម សមុទ្រ
